ബാലരാമപുരം: വെങ്ങാനൂർ ചാവടി നടയിൽ ഗുണ്ടാ ആക്രമണത്തിൽ അച്ഛനെയും മകനെയും കമ്പിപ്പാരകൊണ്ട് അടിച്ച കേസിൽ ഒരാളെ ബാലരാമപുരം പൊലീസ് അറസ്റ്റ് ചെയ്തു. വെങ്ങാനൂർ മോഡൽ ഹയർസെക്കൻഡറി സ്കൂളിന് സമീപം രാജീവ് സദനത്തിൽ ഉമ്മാച്ചു എന്ന് വിളിക്കുന്ന രാജീവ് ശേഖർ (31)​ ആണ് പിടിയിലായത്. വെങ്ങാനൂർ ചാവടിനട ആറ്റുകാൽ വീട്ടിൽ വിജയകുമാർ (65)​, മകൻ അനീഷ് (36)​ എന്നിവർക്കാണ് ക്രൂരമർദ്ദനമേറ്റത്. കഴിഞ്ഞ 12 ന് രാത്രി 8.30 ഓടെയാണ് സംഭവം. മുൻ വൈരാഗ്യമാണ് കാരണം. ബാലരാമപുരം സി.ഐ ജി.ബിനു,​ എസ്.ഐ മാരായ വിനോദ് കുമാർ,​ തങ്കരാജ്,​ ഗ്രേഡ് എസ്.ഐ ഭുവനചന്ദ്രൻ,​ പൊലീസുകാരായ അനികുമാർ,​ ബിജു എന്നിവരുടെ നേതൃത്വത്തിൽ പിടികൂടുകയായിരുന്നു. വീഡിയോ കോഫറൻസിലൂടെ മജിസ്ട്രേറ്റിന് മുന്നിൽ ഹാജരാക്കി റിമാൻഡ് ചെയ്യിച്ചു.