തിരുവനന്തപുരം: ചീഫ് സെക്രട്ടറിയുടെ ഓഫീസിൽ മാത്രം ഒതുങ്ങുന്ന ഇന്റേണൽ നെറ്റ്‌വർക്കാണ് ഇടിമിന്നലിൽ തകരാറിലായതെന്നും സെക്രട്ടേറിയറ്റിലെ പൊതു സി. സി. ടി. വി സർവയലൻസ് നെറ്റ്‌വർക്കുമായി ഇതിന് ബന്ധമില്ലെന്നും ചീഫ് സെക്രട്ടറിയുടെ ഓഫീസ് അറിയിച്ചു.

ഏപ്രിൽ 16നാണ് ഇടിമിന്നലിൽ സ്വിച്ച് കേടായത്. നന്നാക്കാൻ പൊതുഭരണ വകുപ്പിന് നിർദ്ദേശം നൽകിയിരുന്നു. അതിനുള്ള തുകയാണ് പൊതുഭരണ (ഹൗസ് കീപ്പിംഗ്) വകുപ്പിൽ നിന്ന് അനുവദിച്ചത്. ചീഫ് സെക്രട്ടറിയുടെ ഓഫീസിലെ സി.സി. ടി.വി നന്നാക്കിയെന്ന ഉത്തരവിൽ ദുരൂഹതയെന്ന വാർത്ത തെറ്റിദ്ധാരണാജനകമാണെന്നും അറിയിപ്പിൽ വ്യക്തമാക്കി.