പെരിന്തൽമണ്ണ: ജൂബിലി റോഡിലെ ഗ്യാസ് ഏജൻസി ഓഫീസിന് മുന്നിൽ നിറുത്തിയിട്ടിരുന്ന ബജാജ് പൾസർ ബൈക്ക് മോഷ്ടിച്ചു. ഭാരത് ഗ്യാസ് ഏജൻസി ജീവനക്കാരനും വയനാട് സ്വദേശിയുമായ ജോബിഷിന്റെ കെ.എൽ​ 53 എഫ് 270 നമ്പർ ബൈക്കാണ് മോഷണം പോയത്. രാത്രിയിൽ ഒരാൾ ബൈക്ക് മോഷ്ടിക്കുന്നത് സി.സി.ടി.വിയിൽ പതിഞ്ഞിട്ടുണ്ട്. ആളുടെ മുഖം വ്യക്തമല്ല. ഈ ദൃശ്യങ്ങൾ സഹിതം പെരിന്തൽമണ്ണ പൊലീസിൽ പരാതി നൽകിയിരിക്കുകയാണ് യുവാവ്.