കൊച്ചി : കൊവിഡ് പ്രതിരോധവും മഴക്കാല ദുരിതാശ്വാസ പ്രവർത്തനങ്ങളും ഏകോപിപ്പിക്കാൻ ഡെപ്യൂട്ടി കളക്ടർമാർക്ക് താലൂക്കുകളുടെ ചുമതല നൽകി.

പറവൂർ : ഡെപ്യൂട്ടി കളക്ടർ (ലാൻഡ് അക്വിസിഷൻ ), എൻ.എച്ച്.ഡി.പി എറണാകുളം

കൊച്ചി : ഡെപ്യൂട്ടി കളക്ടർ (ഇലക്ഷൻ )

കണയന്നൂർ : ഡെപ്യൂട്ടി കളക്ടർ(ലാൻഡ് അക്വിസിഷൻ )

ആലുവ : ഡെപ്യൂട്ടി കളക്ടർ (റവന്യൂ റിക്കവറി )

കോതമംഗലം : ഡെപ്യൂട്ടി കളക്ടർ (കൊച്ചി മെട്രോ )

മുവാറ്റുപുഴ :ഡെപ്യൂട്ടി കളക്ടർ (വിജിലൻസ് )

കുന്നത്തുനാട് : ഡെപ്യൂട്ടി കളക്ടർ (ലാൻഡ് റിഫോംസ് )

നിർദേശങ്ങൾ

1. താലൂക്കുകളിൽ ലോക്ക് ഡൗൺ ഉൾപ്പടെ കൊവിഡ് മാനദണ്ഡങ്ങൾ കൃത്യമായി നടക്കുന്നുണ്ടെന്ന് ഇൻസിഡന്റ് കമാൻഡന്റുമാരും തഹസിൽദാർമാരുമായി ചേർന്ന് ഉറപ്പാക്കണം

2. പൊതുപരിപാടികളിലും മതാചാരങ്ങളിലും ആൾക്കൂട്ടമൊഴിവാക്കും

3. താലൂക്കുകളിലെ എഫ്.എൽ.ടി.സികൾ സുഗമമായി പ്രവർത്തിക്കുന്നുണ്ടെന്ന് ഉറപ്പാക്കണം.

4. താലൂക്കിലെ കണ്ടെയ്മെന്റ് സോണുകളിൽ ലോക്ക് ഡൗൺ പാലിക്കുന്നുണ്ടോ, ടൗൺ, മാർക്കറ്റ്, ദേവാലയങ്ങൾ, തുടങ്ങിയ സ്ഥലങ്ങളിൽ ആൾക്കൂട്ടം എത്തുന്നുണ്ടോ, ഇൻസിഡന്റ് കമാൻഡന്റുമാരുടെയും തഹസിൽദാർമാരുടെയും നേതൃത്വത്തിൽ കൃത്യമായ ഇടവേളകളിൽ പരിശോധന നടക്കുന്നുണ്ടോയെന്ന് ഉറപ്പ് വരുത്തണം. ആൾക്കൂട്ടമുണ്ടാവാതിരിക്കാൻ നടപടി സ്വീകരിക്കണം. നിയന്ത്രണങ്ങൾ പാലിക്കുന്നില്ലെങ്കിൽ പൊലീസിന്റെ സഹായത്തോടെ നടപടി സ്വീകരിക്കണം.

5. കൊവിഡ് പരിശോധന, കോൺടാക്ട് ട്രേസിംഗ്, പരിശീലന പരിപാടികൾ, സംസ്കാര ചടങ്ങുകൾ എന്നിവ കൊവിഡ് മാനദണ്ഡങ്ങൾ പാലിച്ചുകൊണ്ടാണെന്നുറപ്പാക്കണം

6. വൃദ്ധസദനങ്ങൾ, പേയിംഗ് ഗസ്റ്റ് താമസസ്ഥലങ്ങൾ, ആദിവാസി സെറ്റിൽമെന്റുകൾ തുടങ്ങിയ സ്ഥലങ്ങളിൽ കൊവിഡ് നിയന്ത്രണങ്ങൾ തദ്ദേശ സ്ഥാപനങ്ങളുടെയും തഹസിൽദാർമാരുടെയും സഹായത്തോടെ ഉറപ്പാക്കണം.

7. എല്ലാ ദിവസവും വൈകിട്ട് 4ന് മുൻപായി താലൂക്കിലെ പ്രവർത്തനങ്ങളുടെ റിപ്പോർട്ട്‌ കളക്ടർക്ക് സമർപ്പിക്കണം.