തിരുവനന്തപുരം: സംസ്ഥാനത്ത് 60 ലക്ഷം പേർക്ക് മേയ് ജൂൺ മാസത്തെ സാമൂഹ്യക്ഷേമ പെൻഷൻ വിതരണം നാളെ ആരംഭിക്കും. ഒരാൾക്ക് കുറഞ്ഞത് 2600 രൂപ വീതം ലഭിക്കും. കൂടാതെ 28 ക്ഷേമനിധികളിലെ 10.62 ലക്ഷം തൊഴിലാളികൾക്ക് അതത് ക്ഷേമനിധി പെൻഷനും നൽകും. ജൂലായ് 22നുള്ളിൽ മസ്റ്രറിംഗ് പൂ‌‌ർത്തിയായവർക്കെല്ലാം സാമൂഹ്യക്ഷേമ പെൻഷൻ നൽകും. 25.15ലക്ഷം പേർക്ക് ബാങ്ക് അക്കൗണ്ട് വഴി നേരിട്ടും ബാക്കിയുള്ളവർക്ക് സഹകരണബാങ്കുകൾ വഴിയുമാണ് വിതരണം. മൊത്തം 1270 കോടിരൂപയാണ് ഇതിനുള്ള ചെലവ്.