തിരുവനന്തപുരം: മുഖ്യമന്ത്രിയുടെ രാജി ആവശ്യപ്പെട്ട് സമരം ശക്തമാക്കാൻ ബി.ജെ.പി സംസ്ഥാന കോർ കമ്മിറ്റി വെബിനാർ യോഗത്തിൽ തീരുമാനം. 'സ്വർണക്കടത്ത് മുഖ്യമന്ത്രി രാജിവയ്ക്കുക' എന്ന ആവശ്യമുന്നയിച്ച് മുതിർന്ന നേതാക്കളുടെ ഉപവാസ സമരം നാളെ ആരംഭിക്കും. 18 വരെയാണ് വിവിധകേന്ദ്രങ്ങളിൽ ഉപവാസ സമരം നടത്തുന്നത്. ആഗസ്റ്റ് ഒന്നിന് ഒ.രാജഗോപാൽ എം.എൽ.എ തിരുവനന്തപുരത്ത് ഉപവസിക്കും. സമാപന ദിവസമായ 18ന് എറണാകുളത്ത് സംസ്ഥാനഅദ്ധ്യക്ഷൻ കെ.സുരേന്ദ്രൻ ഉപവസിക്കും. കുമ്മനംരാജശേഖരൻ,പി.കെ കൃഷ്ണദാസ്, സി.കെ പദ്മനാഭൻ തുടങ്ങിയവർ വിവിധ ജില്ലകളിൽ ഉപവസിക്കും. രാവിലെ 10 മുതൽ വൈകിട്ട് 5 വരെയാണ് ഉപവാസം. സമരത്തോടൊപ്പം വെർച്ച്വൽ റാലികളും നടത്തും.