കിളിമാനൂർ: കഴിഞ്ഞ ദിവസങ്ങളിൽ പെയ്ത കനത്ത മഴയിൽ പ്രദേശത്തെ നദികളും, വയലുകളും നിറഞ്ഞൊഴുകി. രണ്ട് ദിവസം പെയ്ത തോരാത്ത മഴയിൽ, വാമനപുരം, ചിറ്റാർ നദികൾ നിറഞ്ഞൊഴുകി. ഒന്നാം വിള കൃഷി ചെയ്തിരുന്ന അടയമൺ, പാപ്പാല, വെള്ളല്ലൂർ, കൊടുവഴന്നൂർ, നന്ദായ് വനം എന്നീ ഏലാകളിലെ വയലുകളും വെള്ളത്തിലായി. നിരവധി സ്ഥലങ്ങളിൽ വൃക്ഷങ്ങൾ കടപുഴകി വീണ് ഗതാഗത തടസവും, വൈദ്യുതി തകരാറും ഉണ്ടായി.