തിരുവനന്തപുരം : കൊവിഡ് മഹാമാരി സൃഷ്ടിച്ച പ്രതിസന്ധികൾക്കിടയിലാണ് ഇത്തവണ ജനങ്ങൾ ഈദ് ആഘോഷിക്കുന്നതെന്നും പള്ളികളിൽ പെരുന്നാൾ നമസ്‌കാരം അനുവദിച്ചിട്ടുണ്ടെങ്കിലും ആളുകളുടെ എണ്ണം പരമാവധി കുറച്ചും മറ്റു കൊവിഡ് മാനദണ്ഡങ്ങൾ പാലിച്ചും നമസ്‌കാരം നിർവഹിക്കണമെന്നും മുഖ്യമന്ത്രി പിണറായി വിജയൻ പറഞ്ഞു.
ഇന്നത്തെ സാഹചര്യം കണക്കിലെടുത്ത് പള്ളികളിൽ ഇത്തവണയും നമസ്‌കാരം വേണ്ടെന്നുവെച്ച കമ്മിറ്റികളെ പ്രത്യേകം അഭിനന്ദിച്ചു. ത്യാഗത്തിന്റെ, സമർപ്പണത്തിന്റെ, മനുഷ്യസ്‌നേഹത്തിന്റെ മഹത്തായ സന്ദേശമാണ് ഈദുൽ അസ്ഹ. മഹത്തായ മൂല്യങ്ങൾ ജീവിതത്തിൽ പകർത്തുന്നതിന് പ്രതിജ്ഞ പുതുക്കാനുള്ള അവസരമാകട്ടെ ഈ വർഷത്തെ ഈദ് ആഘോഷമെന്നും മുഖ്യമന്ത്രി ആശംസിച്ചു.