മാന്നാർ: കോവിഡ് രോഗ പരിശോധനയിൽ ക്രമക്കേടും ഉത്തരവാദിത്വമില്ലായ്മയും ആരോപി​ച്ച് ബി.ജെ.പി പാണ്ടനാട് പഞ്ചായത്ത് കമ്മിറ്റി​യുടെ നേതൃത്വത്തിൽ പാണ്ടനാട് പഞ്ചായത്ത് ഓഫീസിന് മുൻപിൽ ധർണ നടത്തി​.

ചെങ്ങന്നൂർ നിയോജകമണ്ഡലം വൈസ് പ്രസിഡന്റ് സതീഷ് കൃഷ്ണൻ ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് കെ.ജി മനോജ് അദ്ധ്യക്ഷത വഹിച്ചു. ഗ്രാമപഞ്ചായത്ത് മെമ്പർമാരായ ശ്രീദേവി, സ്മിതാ ജയൻ, ആശ.വി നായർ, ടി​.സി. സുരേന്ദ്രൻ, പഞ്ചായത്ത് കമ്മി​റ്റി ജനറൽ സെക്രട്ടറി രഘുറാം തുടങ്ങിയവർ സംസാരി​ച്ചു. ധർണയ്ക്ക് വിജയകുമാർ, കെ. കെ ഗോപാലൻ, സജിത് മംഗലത്ത്, സുജിത്, ഷൈലജ രഘുറാം, സതീഷ് കുമാർ എന്നിവർ നേതൃത്വം നൽകി.