എ​ട​ത്വാ: കാ​റ്റി​ലും പെ​രു​മ​ഴ​യി​ലും അപ്പർ കുട്ടനാട്ടിൽ വ്യാ​പ​ക നാ​ശം. നി​ര​വ​ധി വീ​ടു​കൾ ഭാ​ഗി​ക​മാ​യി ത​കർ​ന്നു. റോ​ഡിൽ മ​രം ക​ട​പു​ഴ​കി വീ​ണ് ഗ​താ​ഗ​തം ത​ട​സ്സ​പ്പെ​ട്ടു. ഇ​ന്ന​ലെ ആ​റ് മ​ണി​യോ​ടെ വീ​ശി​യ​ടി​ച്ച ശ​ക്ത​മാ​യ കാ​റ്റി​ലും മ​ഴ​യി​ലു​മാ​ണ് വ്യാ​പ​ക നാശമുണ്ടായത്. ത​ല​വ​ടി പ​ഞ്ചാ​യ​ത്ത് മൂ​ന്നാം വാർ​ഡിൽ വാ​ല​യിൽ റോ​യി​യു​ടെ വീ​ടി​ന് മു​ക​ളിൽ മ​രം മ​റി​ഞ്ഞു വീ​ണു. വാ​ല​യിൽ ബി.എം ചാ​ക്കോ​യു​ടെ മ​തിൽ ഇ​ടി​ഞ്ഞു വീ​ണു. നാ​ലാം വാർ​ഡിൽ തോ​മ​സ് പ്ര​സാ​ദ്, പാ​ണ്ടി പോ​ച്ച തു​ണ്ട​ത്തിൽ മ​ധു​സൂ​ദ​നൻ എ​ന്നി​വ​രു​ടെ വീ​ടി​ന് മു​ക​ളി​ലും മ​രം ക​ട​പു​ഴ​കി വീ​ണു. കാ​ഞ്ഞി​രം​തു​രു​ത്ത്‌​ പോ​ച്ച റോ​ഡിൽ മ​രം വീ​ണ് ഗ​താ​ഗ​തം ത​ട​സ്സ​പ്പെ​ട്ടു. എ​ട​ത്വാ കെ​എ​സ്​ഇ​ബി സെ​ക്ഷൻ പ​രി​ധി​യിൽ​പ്പെ​ട്ട വി​വി​ധ പ്ര​ദേ​ശ​ങ്ങ​ളിൽ പ​ത്തോ​ളം വൈ​ദ്യു​തി പോ​സ്റ്റു​കൾ ഒ​ടി​ഞ്ഞു​വീ​ണു. ക​ര​കൃ​ഷി​യും വ്യാ​പ​ക​മാ​യി ന​ശി​ച്ചു. ഓ​ണം സീ​സ​ണിൽ വി​ള​വെ​ടു​പ്പി​ന് നിർ​ത്തി​യി​രു​ന്ന ഏ​ത്ത​വാ​ഴ, പ​ട​വ​ലം, പാ​വൽ, വെ​ള്ള​രി എ​ന്നി​വ​യാ​ണ് കാ​റ്റിൽ നി​ലംപൊത്തിയ​ത്. മി​ക്ക സ്ഥ​ല​ങ്ങ​ളി​ലും വൈ​ദ്യു​തി ബ​ന്ധം നി​ല​ച്ചു​.