അമ്പലപ്പുഴ : തീരദേശ മേഖലയിലെ മത്സ്യത്തൊഴിലാളികൾ നേരിടുന്ന വിവിധ പ്രശ്നങ്ങൾ ഉന്നയിച്ച് ധീവരസഭ ജനറൽ സെക്രട്ടറി വി.ദിനകരൻ ഇന്ന് രാവിലെ 10 മുതൽ 5 വരെ ധീവരസഭ 51-ാം നമ്പർ പുന്നപ്ര കരയോഗം അങ്കണത്തിൽ ഉപവസി​ക്കും. കൊവിഡും മത്സ്യ ബന്ധന നിരോധനവും മൂലം തൊഴിൽ രഹിതരായ മത്സ്യത്തൊഴിലാളികൾക്ക് സാമ്പത്തികസഹായവും, അവശ്യസാധനങ്ങളടങ്ങി​യ കിറ്റും നൽകാത്തതിൽ പ്രതി​ഷേധി​ച്ചാണ് സമരം.

മത്സ്യത്തൊഴിലാളിമേഖലയിൽ കൊവി​ഡ് വ്യാപനം തടയാനുള്ള നടപടി സ്വീകരിക്കണമെന്നും മത്സ്യ ബന്ധന നിരോധനം അവസാനിപ്പിച്ച് മത്സ്യത്തൊഴിലാളികൾക്ക് സൗകര്യമായ സ്ഥലങ്ങളിൽ നിന്ന് മത്സ്യബന്ധനത്തിന് പോകാനും മത്സ്യ വിപണനം നടത്താനും നടപടി സ്വീകരിക്കണമന്നും ദി​നകരൻ ആവശ്യപ്പെട്ടു.