മാന്നാർ: മാന്നാർ മേഖലയിലെ താഴ്ന്ന പ്രദേശങ്ങൾ വെള്ളത്തിലായതോടെ പ്രധാന റോഡുകളും ഗ്രാമീണ റോഡുകളി​ലും ഗതാഗതം തടസപ്പെട്ടു.

പമ്പാ അച്ചൻകോവിലാറുകളി​ലെ ജലനിരപ്പ് ക്രമാതീതമായി ഉയരുന്നതും അയവില്ലാതെ തുടരുന്ന കാലവർഷത്തിൽ നിവാസികളിൽ ആശങ്ക ഒഴിയാതെ നിൽക്കുന്നു. മാന്നാർ, പാണ്ടനാട്, പുലിയുർ, ബുധനൂർ, ചെന്നിത്തല എന്നീ പഞ്ചായത്തുകളിലെ താഴ്ന്ന പ്രദേശങ്ങൾ ആറുകളിലെ നീരൊഴുക്ക് കൂടിയതാണ് കാരണം. പാവുക്കര, മൂർത്തിട്ട, മുക്കാത്താരി , വള്ളക്കാലി, മേൽപ്പാടം, പൊതുവൂർ, ഐക്കരമുക്ക്, മുക്കത്ത് കോളനി, വള്ളാംകടവ് , ചില്ലിത്തുരുത്തിൽ, സ്വാമിത്തറ, പുത്തനാർ, തേവർകടവ്, മഠത്തുംപടി, വാഴക്കൂട്ടം , പാമ്പനംചിറ, പറയൻകേരി, നാമങ്കേരി, കാരിക്കുഴി, കാങ്കേരി ദ്വീപ്, ഈഴക്കടവ് , പ്രായിക്കര, ഉളുന്തി, എണ്ണയ്ക്കാട്, പ്ലാക്കാത്തറ, പൊണ്ണത്തറ, തൈയൂർ, കടമ്പൂർ എന്നിവിടങ്ങളിലാണ് വെള്ളം കയറിയത് . 12 ദുരിതാശ്വാസ ക്യാമ്പുകൾ തുറന്നിട്ടുണ്ട്. എന്നാൽ ആളുകൾ കൂടുതലും ബന്ധുവീടുകളിൽ അഭയം തേടുന്ന അവസ്ഥയാണ്.