ചേർത്തല: കൊവിഡ് മുക്തി നേടിയതിന്റെ മൂന്നാം നാൾ ഹൃദയാഘാതം മൂലം ഗൃഹനാഥൻമരിച്ചു.
ചേർത്തല തെക്ക് ഗ്രാമപഞ്ചായത്ത് 16-ാം വാർഡ് പുന്നയ്ക്കൽ വിമുക്തഭടൻ ആന്റപ്പൻ (58) ആണ് ആലപ്പുഴ മെഡി. ആശുപത്രിയിൽ ഇന്നലെ പുലർച്ചെ മരിച്ചത്.
കടുത്ത പനിയുമായി ചേർത്തലയിലെ സ്വകാര്യ ആശുപത്രിയിൽ എത്തിച്ച ആന്റപ്പനെ തുടർന്ന് ആലപ്പുഴ മെഡി. ആശുപത്രിയിലേക്കു മാറ്റുകയായിരുന്നു. ഇവിടെ നടത്തിയ പരിശോധനയിലാണ് കൊവിഡ് പോസി​റ്റീവെന്നു കണ്ടെത്തിയത്. 23 ദിവസം ആശുപത്രിയിൽ കഴിഞ്ഞു. ഇതിനിടെ കൊവിഡ് നെഗറ്റീവായി. പനിയും ശ്വാസം മുട്ടലും ഉയർന്ന രക്തസമ്മർദ്ദവും മാറാത്ത സാഹചര്യത്തിലാണ് നെഗ​റ്റീവായിട്ടും ആശുപത്രിയിൽ തുടർന്നത്. ഹൃദയാഘാതമാണ് മരണകാരണമെന്നാണ് അധികൃതർ അറിയിച്ചു. മൃതദേഹം സംസ്‌കരിച്ചു.
ആന്റപ്പന്റെ ബന്ധുക്കളടക്കം 13 പേർക്ക് രോഗം സ്ഥിരീകരിച്ചിരുന്നു.ഇവരെല്ലാം കഴിഞ്ഞ ദിവസം രോഗമുക്തി നേടി വീട്ടിൽ തിരിച്ചെത്തി. 94 വയസുള്ള അമ്മയുടെയും രോഗവും ഭേദമായിരുന്നു.ഭാര്യ:അൽഫോൻസ,മക്കൾ:തോംസൺ,ആൻസി.മരുമകൻ:അഞ്ജലി,ജയ്‌സിൽ.