ഹരിപ്പാട്: എസ്.എൻ.ഡി.പി.യോഗം ചേപ്പാട് യൂണിയൻ ചിങ്ങോലി മേഖലയിലെ കല്ലുംമൂട് 4020-ാം നമ്പർ ശാഖാ യോഗത്തിന്റെ ആഭിമുഖ്യത്തിൽ, എസ്.എസ്.എൽ.സി- പ്ളസ്ടു പരീക്ഷയിൽ ഉന്നത വിജയം നേടിയ ശാഖാ കുടുംബങ്ങളിലെ വിദ്യാർത്ഥികളെ അനുമോദിച്ചു. ചടങ്ങ് ചേപ്പാട് യൂണിയൻ പ്രസിഡന്റ് എസ്.സലികുമാർ ഉദ്ഘാടനം ചെയ്തു. യൂണിയൻ സെക്രട്ടറി എൻ. അശോകൻ അവാർഡ് വിതരണം നിർവ്വഹിച്ചു. യോഗം ഡയറക്ടർ ബോർഡ് അംഗം ഡി.ധർമ്മരാജൻ, മേഖല കൺവീനർ പി.എൻ. അനിൽകുമാർ, യൂത്ത്മൂവ്മെന്റ് യൂണിയൻ സെക്രട്ടറി ജിതിൻ ചന്ദ്രൻ, ശാഖ സെക്രട്ടറി സി.എൽ.രത്നൻ, വൈസ് പ്രസിഡന്റ് യു.പ്രകാശ്, കമ്മിറ്റി അംഗങ്ങളായ കെ.മോഹനൻ, വി.മോഹനൻ, ബാബു, ഷിബു, വാർഡ് മെമ്പർ രാജി സുനിൽ തുടങ്ങിയവർ പങ്കെടുത്തു.