ചാരുംമൂട് : കോൺഗ്രസ് വാർഡ് കമ്മിറ്റി നിർമ്മിച്ചു നൽകിയ വീടിന്റെ താക്കോൽ ദാനം ഡി.സി.സി പ്രസിഡന്റ് എം.ലിജു നിർവഹിച്ചു. വീട് തകർന്നിട്ടും നിർമ്മാണത്തിന് സർക്കാർ സഹായങ്ങൾ ലഭിക്കാതിരുന്ന സാഹചര്യത്തി​ലാണ് താമരക്കുളം ചത്തിയറ പുന്നക്കുറ്റി സജീവ്ഭവനം ശശിധരൻ - പത്മകുമാരി ദമ്പതികൾക്ക് വീട് നി​ർമി​ച്ച് നൽകാൻ വാർഡ് കമ്മിറ്റി മുന്നോട്ടുവന്നത്.

നൂറനാട് ബ്ലോക്ക് പ്രസിഡന്റ് ജി.വേണു അദ്ധ്യക്ഷത വഹിച്ചു.

മുൻ എം.എൽ.എ കെ.കെ.ഷാജു മുഖ്യപ്രഭാഷണം നടത്തി. ഡി.സി.സി ജനറൽ സെക്രട്ടറിമാരായ രാജൻ പൈനുംമൂട്,

എം.ആർ രാമചന്ദ്രൻ, മനോജ് സി.ശേഖർ, ബി.രാജലക്ഷ്മി, മണ്ഡലം പ്രസിഡന്റ് പി.ബി.ഹരികുമാർ , ബാലൻപിള്ള , രാധാകൃഷ്ണൻ ,കെ.എൻ.അശോക് കുമാർ, എൻ.പി.വിജയൻപിള്ള, മധു പുന്നക്കുറ്റി തുടങ്ങിയവർ സംസാരിച്ചു.