ചേർത്തല:താലൂക്കിലെ കൊവിഡ് തീവ്രവ്യാപനമേഖലകൾക്ക് ഇന്നലെ ആശ്വാസ ദിനം.കടക്കരപ്പള്ളി,ചേർത്തലതെക്ക്,പട്ടണക്കാട് പഞ്ചായത്തുകളിൽ ഇന്നലെ പുതിയ പോസി​റ്റീവ് കേസുകൾ റിപ്പോർട്ടു ചെയ്തില്ല.രോഗികൾ 300 കടന്ന കടക്കരപ്പള്ളിയിൽ 200 പേരുടെ സ്രവപരിശോധന നടത്തി.14ന് നടത്തിയ ഫലങ്ങളടക്കം 324 പരിശോധനാഫലങ്ങളാണ് ഇനി വരാനുള്ളത്.രോഗ വ്യാപന സാദ്ധ്യത കണക്കിലെടുത്ത് ഗ്രാമപഞ്ചായത്ത് ഏഴാം വാർഡിൽ കടുത്ത നിയന്ത്റണങ്ങൾ ഏർപ്പെടുത്തി.ബുധനാഴ്ച 26 പോസി​റ്റീവ് കേസുകൾ റിപ്പോർട്ടു ചെയ്ത ചേർത്തല തെക്ക് പഞ്ചായത്തിലും പുതിയ കേസുകളുണ്ടായിട്ടില്ല.