ചേർത്തല: ഓണത്തോടനുബന്ധിച്ചു് 'വ്യാജമദ്യ മയക്കുമരുന്ന് ലോബിയുടെ പ്രവർത്തനം അമർച്ച തടയുന്നതിന്റെ ഭാഗമായി ചേർത്തല എക്‌സൈസ് റേഞ്ച് ഇൻസ്‌പെക്ടർ വി.ജെ.റോയിയുടെ നേതൃത്വത്തിലുള്ള എക്‌സൈസ് സംഘം പരിശോധനകൾ ശക്തമാക്കി.ചേർത്തല തെക്ക് പഞ്ചായത്ത് 13-ാം വാർഡിൽ തിരുവിഴ കീഴ്മംഗലത്ത് സുരേഷ് ബാബുവിന്റെ മകൻ ഷാനു (22) വിന്റെ വീട്ടുവളപ്പിൽ ചാരായം വാ​റ്റുന്നതിനായി പാകപ്പെടുത്തി സൂക്ഷിച്ചിരുന്ന 90 ലി​റ്റർ കോട കണ്ടെടുത്ത് ഷാനുവിനെ പ്രതിചേർത്ത് ഒരു കേസും,ചേർത്തല പള്ളിപ്പുറം പഞ്ചായത്ത് 12-ാം വാർഡിൽ വിളക്കുമരം ഭാഗത്ത് കായൽപ്പരപ്പിൽ ഒളിപ്പിച്ചു വച്ചിരുന്ന 85 ലി​റ്റർ ഉടമ ആരെന്ന് വ്യക്തമാകാത്ത കോട കണ്ടെടുത്ത് മ​റ്റൊരു കേസും രജിസ്​റ്റർ ചെയ്തു. പരിശോധനയിൽ ഇൻസ്‌പെക്ടറെ കൂടാതെ പ്രിവന്റീവ് ഓഫീസർമാരായ പി.ദിലീപ്, ആർ.ഐ.അശോകൻ,എം.പി. ഉണ്ണികൃഷ്ണൻ,ഡി.റെജിമോൻ, ഷിബു, സി.ഇ.ഒ മാരായ ഡി.മായാജി, കെ.എ.തസ്ലീം എന്നിവർ പങ്കെടുത്തു