ആലപ്പുഴ: ഒഴി​വാക്കാനാകുമോ ഓണക്കാല ഷോപ്പിംഗ്? എന്നുകരുതി​ സമയവും സാഹചര്യവും മനസി​ലാക്കാതെ ഷോപ്പിംഗി​നി​റങ്ങി​ അപകടത്തി​ൽ ചാടരുതെന്നാണ് അധി​കൃതർ നൽകുന്ന മുന്നറി​യി​പ്പ്. കൊവി​ഡ് ഏറ്റവും ഭീഷണി​ ഉയർത്തി​ തലയ്ക്ക് മീതെ നി​ൽക്കുന്ന സാഹചര്യത്തി​ലാണി​ത്.

വ്യാപാര സ്ഥാപനങ്ങളിലും മാർക്കറ്റുകളിലും കൂടുതൽ ആളുകൾ എത്തിച്ചേരാനിടയുള്ളതിനാൽ ജനങ്ങൾ നിർദ്ദേശങ്ങൾ കൃത്യമായും പാലിക്കണമെന്ന് ജില്ല മെഡിക്കൽ ഓഫീസർ ആരോഗ്യം അറിയിച്ചു. തിക്കും തിരക്കുമുണ്ടാകാനുള്ള സാഹചര്യങ്ങൾ ഒഴിവാക്കണം.കടകളിൽ പോകുമ്പോൾ മൂക്കും വായും മൂടും വിധം മാസ്‌ക് ധരിക്കുകയും സാമൂഹിക അകലം ഉറപ്പാക്കുകയും വേണം.കടകളിൽ കയറുതിന് മുൻപും ഇറങ്ങിയ ശേഷവും കൈകൾ അണു വിമുക്തമാക്കണം.വൃദ്ധ ജനങ്ങൾ, ഗർഭിണികൾ, കുട്ടികൾ മറ്റ് രോഗങ്ങൾക്ക് സ്ഥിരമായി മരുന്ന് കഴിക്കുന്നവർ തുടങ്ങിയവർ സന്ദർശനങ്ങളൊഴിവാക്കി വീടുകളിൽ സുരക്ഷിതരായിരിക്കുക.

ഷോപ്പിംഗി​ന് കഴിവതും ഒരാൾ മാത്രം പോകുക.

തിരക്കുണ്ടെങ്കിൽ കടയുടെ പുറത്ത് ക്ഷമയോടെ കാത്തു നിൽക്കണം

കടയ്ക്കുള്ളി​ൽ കൂടുതൽ സമയം ചെലവഴിക്കുന്നത് ഒഴിവാക്കുക

മുൻകൂട്ടി ലിസ്റ്റ് തയ്യാറാക്കി ഷോപ്പിംഗി​ന് പോകുക

അയൽ വീടുകൾ, ബന്ധു വീടുകൾ, ബീച്ച്, പാർക്ക് എന്നിവിടങ്ങളിലേക്ക് സന്ദർശനം ഒഴിവാക്കുക

ഓണസദ്യയ്ക്ക് വീട്ടിലെ അംഗങ്ങൾ മാത്രം മതി

കൂട്ടം കൂടാനിടയുണ്ടാക്കുന്ന കളികൾ, ആഘോഷങ്ങൾ എന്നിവ ഒഴിവാക്കണം.

പനി, ചുമ, ജലദോഷം, തൊണ്ടവേദന തുടങ്ങിയവ ഉള്ളവർ കടകളിൽ പ്രവേശിക്കരുത്

കടയുടമയും ജീവനക്കാരും രോഗലക്ഷണങ്ങളില്ലാത്തവരാണെ് ഉറപ്പാക്കുക.

ഓണാഘോഷം വേണ്ട

വീ'ട്ടിലെ അംഗങ്ങളുടെ സഹകരണത്തോടെ ഓണവിഭവങ്ങൾ വീട്ടിൽതന്നെ ഉണ്ടാക്കാം.ഓണക്കാലത്ത് സജീവമാകാറുള്ള ക്ലബ്ബുകൾ, ഇത്തവണ കൂട്ടം കൂടാനിടയുണ്ടാക്കുന്ന കളികൾ, ആഘോഷങ്ങൾ എന്നിവ ഒഴിവാക്കണം. പകരം ഓൺലൈൻ സാധ്യത ഉപയോഗിച്ച് മത്സരങ്ങൾ സംഘടിപ്പിക്കാവുതാണ്.

ഓണക്കോടി​ ഉടുക്കുമ്പോൾ

പുതുവസ്ത്രങ്ങൾ വാങ്ങിയ ഉടനെ ധരിച്ചു നോക്കരുത്. ഓണസമ്മാനങ്ങളുടെ പാക്കറ്റ് ഉടനെ കൈമാറ്റം ചെയ്യാതെ അണുവിമുക്തമാക്കാൻ ശ്രദ്ധിക്കണം.

കടയുടമ ശ്രദ്ധി​ക്കാൻ

കടയ്ക്കു പുറത്ത് സോപ്പുപയോഗിച്ച് കൈ കഴുകുന്നതിനോ സാനിട്ടൈസർ ഉപയോഗിക്കാനോ ഉള്ള സൗകര്യം ഉറപ്പാക്കണം. ജീവനക്കാർ മാസ്‌ക് ശരിയായ വിധത്തിൽ ധരിക്കണം. ആറ് മണിക്കൂർ ഇടവി​ട്ട് മാറ്റി ധരിക്കണം. സാമൂഹിക അകലം പാലിച്ച് മാത്രം ആളുകളെ പ്രവേശിപ്പിക്കുക. ജീവനക്കാർ കൈകൾ ഇടയ്ക്കിടെ അണുവിമുക്തമാക്കാൻ ശ്രദ്ധിക്കണം.