കായംകുളം: കായംകുളം പൊലീസ് സ്റ്റേഷനി​ൽ ഓണം ഡ്യൂട്ടി​യെച്ചൊല്ലി​ പൊലീസുകാർ തമ്മി​ൽ തർക്കവും കയ്യാങ്കളി​യും നടന്ന സംഭവത്തി​ൽ

അഡീഷണൽ എസ്.ഐയ്ക്കെതിരെ അച്ചടക്ക നടപടി. പ്രാഥമിക അന്വേഷണത്തിൽ കുറ്റക്കാരനെന്ന് കണ്ടെത്തി​യ ശാമുവലിനെയാണ് ജില്ലാ കേന്ദ്രത്തിലേക്ക് അടിയന്തിരമായി സ്ഥലം മാറ്റിയത്. തുടർന്ന് വകുപ്പുതല നടപടികൾക്ക് വിധേയമാക്കും. ജില്ലാ പൊലീസ് മേധാവി ഇതുസംബന്ധിച്ച വിശദ റിപ്പോർട്ട് എറണാകുളം റേഞ്ച് ഡി.ഐ.ജിക്ക് കൈമാറിയിട്ടുണ്ട്.