ആലപ്പുഴ : ഇന്നലെ 92 പേർക്ക് കൊവിഡ് സ്ഥിരീകരിച്ചതോടെ ജില്ലയിൽ ചികിത്സയിലുള്ളവരുടെ എണ്ണം 2083 ആയി . ഇന്നലെ രോഗം സ്ഥി​രീകരി​ച്ചവരി​ൽ ഒരാൾ വിദേശത്തുനിന്നും മൂന്നുപേർ മറ്റ് സംസ്ഥാനങ്ങളിൽ നിന്നും എത്തിയവരാണ്.

87 പേർക്ക് സമ്പർക്കത്തിലൂടെയാണ് രോഗബാധ. ഒരാളുടെ രോഗത്തിന്റെ ഉറവിടം വ്യക്തമല്ല.

വയലാർ പഞ്ചായത്ത് വാർഡ് 10, കടക്കരപ്പള്ളി പഞ്ചായത്ത് വാർഡ് 14 എന്നിവയെ കണ്ടെയിൻമെന്റ് സോണിൽ നിന്ന് ഒഴിവാക്കി.

ജില്ലയിൽ നിരീക്ഷണത്തിലുള്ളവർ: 9805

വിവിധ ആശുപത്രികളിൽ കഴിയുന്നവർ: 2243

ഇന്നലെ ആശുപത്രിയിൽ പ്രവേശിപ്പിക്കപ്പെട്ടവർ: 285

ആശുപത്രികളിൽ നിന്ന് ഒഴിവാക്കപ്പെട്ടവർ: 338

ഇന്നലെ കേസുകൾ 60

ജില്ലയിൽ കൊവിഡ് പ്രോട്ടോക്കോൾ ലംഘിച്ചതിന് 60 കേസുകളിൽ 35 പേരെ അറസ്റ്റ് ചെയ്തു. മാസ്‌ക്ക് ധരിക്കാത്തതിന് 480 പേർക്കും സാമൂഹ്യ അകലം പലിക്കാത്തതിന് 2551 ഉം കണ്ടെയിൻമെന്റെ് സോൺ ലംഘനം നടത്തിയതിന് രണ്ട് പേർക്കെതിരെയും നടപടി സ്വീകരിച്ചു.