ന്യൂഡൽഹി: മുൻ രാഷ്ട്രപതി പ്രണബ് മുഖർജി അബോധാവസ്ഥയിൽ (ഡീപ് കോമ) തുടരുകയാണെന്ന് ഡൽഹിയിലെ ആർമി റിസർച്ച് ആൻഡ് റഫറൽ ആശുപത്രി അറിയിച്ചു. ആരോഗ്യനിലയിൽ മാറ്റമില്ല. വെന്റിലേറ്ററിൽ തുടരുകയാണെന്നും ഇന്നലെ രാവിലെയിറക്കിയ മെഡിക്കൽ ബുള്ളറ്റിനിൽ പറയുന്നു. ആഗസ്റ്റ് 10നാണ് പ്രണബിനെ ആശുപത്രിയിൽ പ്രവേശിപ്പിച്ചത്. അപകടത്തിൽ തലച്ചോറിൽ രക്തം കട്ടപിടിച്ചതിനെ തുടർന്ന് അടിയന്തര ശസ്ത്രക്രിയയ്ക്ക് വിധേയമാക്കി. അദ്ദേഹത്തിന് കൊവിഡും സ്ഥിരീകരിച്ചിട്ടുണ്ട്.