ന്യൂഡൽഹി: സെപ്തംബർ 7 മുതൽ രാജ്യത്തെ മെട്രോ സർവീസുകൾ ഭാഗികമായി പുനഃസ്ഥാപിക്കുന്നതിനുള്ള വിശദമായ മാർഗനിർദേശങ്ങൾ കേന്ദ്രസർക്കാർ ഉടൻ പുറത്തിറക്കും. പരമാവധി 350 യാത്രക്കാരെ മാത്രമേ ഒരു സമയം അനുവദിക്കൂ. മുൻഗണനാ വിമാനത്താവളങ്ങളുടെ മാതൃകയിലാകും മെട്രോ സ്റ്റേഷനുകളിലെ പരിശോധന. ശരീരോഷ്മാവ് പരിശോധിച്ച് മാത്രമേ യാത്രക്കാരെ സ്റ്റേഷനിലേക്ക് പ്രവേശിപ്പിക്കൂ. മാസ്കും നിർബന്ധമാണ്.

മാർഗനിർദ്ദേശങ്ങൾ പുറത്തിറക്കുന്നതിന് മുന്നോടിയായുള്ള കേന്ദ്ര നഗരവികസന മന്ത്രാലയത്തിന്റെ യോഗം നാളെ ഡൽഹിയിൽ നടക്കും. അന്തിമ മാർഗനിർദ്ദേശം ശനിയാഴ്ചയോടെ പുറത്തിറങ്ങുമെന്നാണ് സൂചന.

നിർദേശങ്ങൾ

• ലഗേജുകൾ അണുവിമുക്തമാക്കാനുള്ള സജ്ജീകരണം ഉണ്ടാകും
• ആരോഗ്യസേതു ആപ്പ് നിർബന്ധം
• സ്മാർട്ട് കാർഡ് ഉപയോഗിച്ച് മാത്രമേ യാത്ര അനുവദിക്കൂ
• ട്രെയിനിനുള്ളിലെ താപനില 26 ഡിഗ്രി സെൽഷ്യസായി ക്രമീകരിക്കും
• ഒന്നിടവിട്ടുള്ള സീറ്റുകൾ ഒഴിച്ചിടണം