ന്യൂഡൽഹി: രാജ്യത്തെ കൊവിഡ് ബാധിതരുടെ എണ്ണം 36 ലക്ഷവും മരണം

64,000വും കടന്നു. 24 മണിക്കൂറിനിടെ 78,761 പുതിയ രോഗികളും 948 മരണവുമാണ് രാജ്യത്ത് റിപ്പോർട്ട് ചെയ്തത്. ആഗോളതലത്തിലെ ഏറ്റവും ഉയർന്ന പ്രതിദിന കണക്കാണിത്. ജൂലായ് 24ന് അമേരിക്കയിലാണ് ഇതിന് മുമ്പ് ഏറ്റവും ഉയർന്ന പ്രതിദിന രോഗികൾ (78,586).

തുടർച്ചയായ നാലാംദിവസമാണ് രാജ്യത്തെ പ്രതിദിന രോഗികളുടെ എണ്ണം 75,000 കടക്കുന്നത്. അതേസമയം ആകെ രോഗമുക്തരുടെ എണ്ണം 27 ലക്ഷം കടന്നു. രോഗമുക്തി നിരക്ക് 76.61 ശതമാനമായി ഉയർന്നു. മരണനിരക്ക് 1.79 ശതമാനം.

 ഒഡിഷയിൽ കൊവിഡ് ബാധിതരുടെ എണ്ണം ഒരു ലക്ഷം കടന്നു. ഇന്നലെ 3014 പുതിയ രോഗികളും 12 മരണവും.

 ആന്ധ്രയിൽ 10603 പുതിയ രോഗികളും 88 മരണവും.
 ബിഹാറിൽ 2078, തെലങ്കാനയിൽ 2924 പുതിയ രോഗികൾ
 ത്രിപുര ബി.ജെ.പി എം.എൽ.എ അശിഷ് സാഹയ്ക്ക് കൊവിഡ്

 യു.പിയിൽ 6233 പുതിയ രോഗികളും 67 മരണവും. ഇതുവരെയുള്ളതിൽ ഏറ്റവും ഉയർന്ന കണക്കാണിത്.

 ഡൽഹിയിൽ 1954 പുതിയ രോഗികളും 15 മരണവും. അടുത്തകാലത്തെ ഏറ്റവും ഉയർന്ന പ്രതിദിന കണക്കാണിത്.
 കർണാടകയിലെ ബി.ജെ.പി അദ്ധ്യക്ഷൻ നളിൻകുമാർ കട്ടീലിന് കൊവിഡ്.
 നടൻ ഹിമാൻഷ് കൊഹിലിയുടെ കുടുംബാംഗങ്ങൾക്ക് കൊവിഡ്
 രാജ്യത്തെ കൊവിഡ് പരിശോധനകളുടെ എണ്ണം 4.14 കോടി കടന്നു.

 ഗുജറാത്തിലെ ആന്റി ടെററിസ്റ്റ് സ്‌ക്വാഡിലെ 10 ഉദ്യോഗസ്ഥർക്ക് കൊവിഡ്.