പിറവം: കൊവിഡ് കാലഘട്ടത്തിൽ വിദ്യാഭ്യാസ സമ്പ്രദായം ഓൺലൈനായി മാറിയപ്പോൾ ഹൈടെക് രീതികളുമായി സാമൂഹ്യ ശാസ്ത്രം പഠിപ്പിക്കുകയാണ് രാമമംഗലം ഹൈസ്‌കൂളിലെ സാമൂഹ്യ ശാസ്ത്രം അദ്ധ്യാപകൻ അനൂബ് ജോൺ. നവീന സാങ്കേതിക വിദ്യകളായ ഓഗ്മെന്റ് റിയാലിറ്റി,ഗ്രീൻ സ്‌ക്രീൻ എഫക്ട് മുതലായ ഉപയോഗിച്ചാണ് പഠനം.

മൊബൈൽ ഫോൺ മാത്രം ഉപയോഗിച്ചാണ് റെക്കോഡിങ് എഡിറ്റിംഗ് എല്ലാം നടത്തുന്നത്. കൂടുതൽ ചിലവുകൾ ഇല്ല എന്നത് ഏറെ ശ്രദ്ധേയമാണ്. പരീക്ഷ സമ്പ്രദായവും നൽകുന്നുണ്ട്.ഗൂഗിളിന്റെ സഹായത്തോടെ ചോദ്യങ്ങൾ തയ്യാറാക്കി നൽകുകയും കുട്ടികൾ ഉത്തരം സമർപ്പിച്ചു കഴിഞ്ഞാൽ മാർക്ക് ലഭ്യമാവുകയും ചെയ്യുന്നു.കുട്ടിക്ക് സ്വയം വിലയിരുത്തൽ നടത്തുന്നതിനും അധിക പഠനത്തിനും ഗൂഗിൾ ഡോക് പരീക്ഷ സഹായിക്കുന്നു.വീഡിയോ പാഠങ്ങൾ റെക്കോർഡ് ചെയ്യുന്നതിനും എഡിറ്റ് ചെയ്യുന്നതിനും ഭാര്യ മായയും മകൻ എഫ്‌റോണും പൂർണ പിന്തുണയുമായി കൂടെയുണ്ട്.പഠഭാഗൾ തയ്യാറാക്കുന്നതിന് ഹെഡ്മാസ്റ്റർ മണി പി കൃഷ്ണൻ,സാമൂഹ്യ ശാസ്ത്ര അദ്ധ്യാപകൻ സ്‌കറിയ കെ സി, സ്‌കൂളിലെ സഹ അദ്ധ്യാപകർ മൂവാറ്റുപുഴ സാമൂഹ്യ ശാസ്ത്ര അദ്ധ്യാപകർ എന്നിവർ കൂടെയുണ്ട്.