കിഴക്കമ്പലം: രാത്രികാലങ്ങളിൽ വാഹനങ്ങളിൽ നിന്നും ബാ​റ്ററി മോഷണം പതിവായതായി പരാതി. കിഴക്കമ്പലം, ഊരക്കാട്, ചെമ്മലപ്പടി, പൂക്കാട്ടുപടി പ്രദേശങ്ങളിലാണ് ബാ​റ്ററി മോഷണം.രാവിലെ വാഹനം സ്​റ്റാർട്ടാക്കാൻ ശ്രമിക്കുമ്പോഴാണ് പലരും ബാ​റ്ററി നഷ്ടപ്പെട്ട കാര്യം അറിയുന്നത്. ഒരു ഡസനോളം ബാ​റ്ററികൾ കഴിഞ്ഞ ദിവസങ്ങളിലായി മോഷണം പോയിട്ടുണ്ട്. ടിപ്പർ, മിനി ടിപ്പർ തുടങ്ങിയ വാഹനങ്ങളിൽ നിന്നാണ് പ്രധാനമായും മോഷണം. എന്നാൽ വാഹനത്തിൽ നിന്നും മറ്റൊരുതരത്തിലുള്ള സാമഗ്രികകളും നഷ്ടപ്പെടുന്നില്ലെന്ന് വാഹന ഉടമകൾ പറയുന്നു.