മൂവാറ്റുപുഴ: ദുരന്തനിവാരണ പ്രവർത്തനങ്ങളിൽ ജനങ്ങളെയും സർക്കാരിനെയും സഹായിക്കുന്നതിനായി ഇടുക്കി കെയർ ഫൗണ്ടേഷൻ സന്നദ്ധസേന രൂപീകരിക്കുമെന്ന് ഡീൻകുര്യാക്കോസ് എം.പി. അറിയിച്ചു. ഇടുക്കി ജില്ലയിലെ 5 താലൂക്കുകളിലും എറണാകുളം ജില്ലയിലെ കോതമംഗലം, മൂവാറ്റുപുഴ താലൂക്കുകളിലേയും സന്നദ്ധപ്രവർത്തകരെ കണ്ടെത്തി ആവശ്യമായ പരിശീലനം നൽകുകയെന്നതാണ് ആദ്യഘട്ടം. ദുരന്ത നിവാരണ പ്രവർത്തനങ്ങൾക്ക് വിദഗ്ദ്ധരായ കർമസേനയുടെ സേവനം ഉറപ്പാക്കുക, പൊതുനിരത്തുകളിലെ ഗതാഗത തടസങ്ങൾ ഒഴിവാക്കുക, ദുരന്തത്തിൽ അകപ്പെടുന്നവർക്ക് സമയബന്ധിതമായി അടിയന്തിര സഹായം ഉറപ്പാക്കുക, പ്രകൃതി ദുരന്തത്തിൽപ്പെട്ട വീടുകളിലെ മണ്ണും ചെളിയും നീക്കം ചെയ്യുക തുടങ്ങി ജില്ലാ ഭരണകൂടങ്ങളെയും സർക്കാരിനെയും സഹായിക്കുക എന്നതാണ് സന്നദ്ധസേനയുടെ മുഖ്യലക്ഷ്യം. സേനയിൽ അംഗമാകുവാൻ ആഗ്രഹിക്കുന്നവർ icftdpa@gmail.com എന്ന ഈ മെയിൽ വിലാസത്തിലോ 8157029914 / 8281282948 എന്ന ഫോൺ നമ്പറിലോ രണ്ട് ദിവസത്തിനകം പേരും വിലാസവും ഫോൺനമ്പറും നൽകി രജിസ്റ്റർ ചെയ്യണമെന്ന് ചെയർമാൻ ഡീൻ കുര്യാക്കോസ് അറിയിച്ചു.