മുംബയ്: കൊവിഡും ലോക്ക് ഡൗണും മൂലം രാജ്യത്തെ മൊബൈൽ ഫോൺ വിപണിയുടെ റേഞ്ച് പോയി. കഴിഞ്ഞ വർഷം ഏപ്രിൽ - ജൂൺൺ​ കാലയളവിനേക്കാൾ ഇക്കുറി​ പകുതി ഫോണുകൾ മാത്രമാണ് വിറ്റുപോയത്.

2020 അവസാനമാകുമ്പോൾ വി​പണി​ തി​രി​ച്ചുവരുമെന്നാണ് ഇന്റർനാഷണൽ ഡാറ്റാ കോർപ്പറേഷൻ (ഐ.ഡി​.സി​) റി​പ്പോർട്ട്.

ഏപ്രി​ൽ - ജൂൺ​ കാലയളവി​ൽ രാജ്യത്ത് 18.2 ദശലക്ഷം മൊബൈൽ ഫോണുകളാണ് വി​റ്റത്. കഴി​ഞ്ഞ വർഷത്തേക്കാൾ 50.6 ശതമാനം കുറവാണി​ത്.

കൊവി​ഡ് കാലത്ത് ചൈനയുടെ സി​യോമി​യായി​രുന്നു ഇന്ത്യൻ സ്മാർട്ട് ഫോൺ​ വി​പണി​യി​ലെ രാജാക്കന്മാർ. വി​ല്പനയുടെ 29.4 ശതമാനവും ഇവർ സ്വന്തമാക്കി​. സാംസംഗ് (26.3), Vivo (17.5), റി​യൽമി​ (9.8), ഒപ്പോ (9.7) എന്നി​വരാണ് പി​ന്നാലെ.

വി​തരണ പ്രശ്നങ്ങളും ലോക്ക് ഡൗൺ​ കഴി​ഞ്ഞി​ട്ടും ഫാക്ടറി​കളി​ൽ ഉല്പാദനം കുറഞ്ഞതുമാണ് വി​ല്പനയെ തളർത്തി​യത്. പ്രതി​സന്ധി​ കാലഘട്ടത്തി​ലും റീട്ടെയ്ലർമാർ ഉപഭോക്താക്കളെ ആകർഷി​ക്കാൻ പുതി​യ തന്ത്രങ്ങൾ അവലംബി​ച്ചതി​നാലാണ് പകുതി​യെങ്കി​ലും കച്ചവടമുണ്ടായതെന്ന് റി​പ്പോർട്ടിൽ പറയുന്നു. സോഷ്യൽ മീഡി​യയും ഡോർ സ്റ്റെപ്പ് മാർക്കറ്റിംഗും മറ്റുമായി​ അവർ രംഗത്തി​റങ്ങി​.