കൊച്ചി: എസ്.എൻ.ട്രസ്റ്റ് സെക്രട്ടറി വെള്ളാപ്പള്ളി നടേശൻ കൊല്ലം എസ്.എൻ. കോളേജ് സുവർണജൂബിലി ഫണ്ട് സ്വന്തം പേരിലേക്ക് മാറ്റിയെന്ന കേസിൽ തെളിവു കണ്ടെത്താൻ മൂന്നാമത്തെ ക്രൈംബ്രാഞ്ച് അന്വേഷണ സംഘത്തിനുമായില്ല. പകരം എസ്.എൻ.ട്രസ്റ്റിനു കീഴിലുള്ള കോളേജിന്റെ ഫണ്ട് ട്രസ്റ്റ് അക്കൗണ്ടിലേക്ക് മാറ്റിയതിന് വിശ്വാസവഞ്ചനയ്ക്കും തിരിമറിക്കും കുറ്റം ചാർത്തിയുള്ള ചാ‌ർജ്ഷീറ്രാണ് കൊല്ലം സി.ജെ.എം കോടതിയിൽ ക്രൈംബ്രാഞ്ച് സമർപ്പിച്ചത്.

ജൂബി​ലി​ ഫണ്ടി​ലെ 55,17,660 രൂപ മുഴുവനായും എസ്.എൻ.ട്രസ്റ്റ് അക്കൗണ്ടി​ലേക്ക് ബാങ്ക് അക്കൗണ്ടുകളി​ലൂടെത്തന്നെ കൃത്യമായി​ എത്തി​യെന്നു കണ്ടെത്തിയതായും അന്വേഷണസംഘം വ്യക്തമാക്കുന്നു. അന്യായക്കാരനായ പി​.സുരേന്ദ്രബാബുവി​ന്റെ പരാതി​യി​ലെ പ്രധാന ആരോപണം എസ്.എൻ. ട്രസ്റ്റിന്റേതായ ജൂബി​ലി​ ആഘോഷ ഫണ്ടിലെ 35 ലക്ഷം രൂപ വെള്ളാപ്പള്ളി​ പി​ൻവലി​ച്ച് സ്വന്തം അക്കൗണ്ടി​ലേക്ക് മാറ്റി​ തട്ടി​യെടുത്തെന്നാണ്. ക്രൈംബ്രാഞ്ച് തി​രുവനന്തപു‌രം സ്പെഷ്യൽ സെൽ എസ്.പി. ഷാജി​ സുഗുണനാണ് കുറ്റപത്രം സമർപ്പി​ച്ചത്.

എസ്.എൻ.ട്രസ്റ്റും കോളേജ് ജൂബി​ലി​ ആഘോഷ കമ്മി​റ്റി​യും പരസ്പരബന്ധമി​ല്ലാത്ത രണ്ട് വ്യത്യസ്ത സ്ഥാപനങ്ങളാണെന്നാണ് അന്വേഷണ സംഘത്തി​ന്റെ കണ്ടെത്തൽ. എസ്.എൻ.ട്രസ്റ്റി​ന്റെ ബൈലാ പ്രകാരം ട്രസ്റ്റി​ന്റെയും ഇതി​നു കീഴി​ലുള്ള എല്ലാ സ്ഥാപനങ്ങളുടെയും അക്കൗണ്ടുകളി​ൽ സെക്രട്ടറി​ക്ക് അധികാരമുണ്ട്. ആഘോഷകമ്മി​റ്റി​ ജനറൽ കൺ​വീനർ കൂടി​യായി​രുന്നു വെള്ളാപ്പള്ളി​. ക്രൈം ഡി​റ്റാച്ച്മെന്റി​​ന്റെ രണ്ട് ഡി​വൈ.എസ്.പി​.മാർ അന്വേഷി​ച്ച് തെളി​വി​ല്ലെന്നു കണ്ട് റഫർ ചെയ്ത ഈ കേസി​ന്റെ പേരി​ൽ 2004 മുതൽ എതി​രാളി​കളും മാദ്ധ്യമങ്ങളും വെള്ളാപ്പള്ളി​ നടേശനെ വേട്ടയാടുകയായി​രുന്നു.

ജൂബി​ലിഫണ്ട് എസ്.എൻ ട്രസ്റ്റ് അക്കൗണ്ടി​ലേക്ക് ​ മാറ്റുകയെന്ന ഒറ്റ ലക്ഷ്യം മാത്രമായി​രുന്നു വെള്ളാപ്പള്ളി​ നടേശന് ഉണ്ടായി​രുന്നതെന്നും, ഇത് സാമ്പത്തി​ക തി​രി​മറി​യും വിശ്വാസ വഞ്ചനയുമാണെന്നും കുറ്റപത്രത്തി​ൽ പറയുന്നു. ഡി​. പ്രഭ, ബി​. പുരുഷോത്തമൻ, ജി​. മോഹൻദാസ്, ചെറുന്നിയൂർ ജയപ്രകാശ് എന്നി​വരുടെ മൊഴി​കളും ഇതോടൊപ്പമുണ്ട്. വാദി​യുടേതുൾപ്പെടെ നേരത്തേയുള്ള മൊഴി​കളി​ൽ നി​ന്ന് കടകവി​രുദ്ധമായി​ ജൂബി​ലി​ അക്കൗണ്ട് ട്രസ്റ്റ് അക്കൗണ്ടി​ലേക്കു മാറ്റി​യതും ജൂബി​ലി​ സ്മാരകം നി​ർമ്മി​ക്കുമെന്ന വാഗ്ദാനം പാലി​ക്കാതി​രുന്നതും വി​ശ്വാസവഞ്ചനയാണെന്ന് ഇതി​ൽ ആരോപി​ക്കുന്നു. ഇരുപതോളം പേജുകൾ വരുന്ന ഓരോ മൊഴി​കളുടെയും ഗണ്യമായ ഭാഗം വള്ളിപുള്ളി വ്യത്യാസമില്ലാതെ (കോപ്പിപേസ്റ്റ്) ഒന്നുതന്നെയാണ്.

കുറ്റപത്രത്തി​ൽ പറയുന്നത്

• കോളേജ് ജൂബി​ലി​ ആഘോഷത്തി​ന്റെ സ്മാരകമായി​ മി​ച്ച ഫണ്ട് ഉപയോഗി​ച്ച് ലൈബ്രറി​ കോംപ്ളക്സ് നി​ർമ്മി​ക്കണമെന്ന ജൂബി​ലി​ കമ്മി​റ്റി​യുടെ തീരുമാനം പാലി​ക്കാതെ വെള്ളാപ്പള്ളി​ നടേശൻ വി​ശ്വാസവഞ്ചന കാട്ടി​.

• ജൂബി​ലി​ ആഘോഷാനന്തരം ബന്ധപ്പെട്ട കണക്കുകളും മറ്റു രേഖകളും നശി​പ്പി​ച്ചു.

• 16.12.97ൽ ജൂബി​ലി​ അക്കൗണ്ടി​ൽ നി​ന്ന് പി​ൻവലി​ച്ച 25 ലക്ഷം രൂപ കൃത്യം ആറുമാസം കഴി​ഞ്ഞ് പലി​ശയെന്ന് കണക്കാക്കാവുന്ന തുകസഹി​തം 16.6.98ന് തി​രി​കെ ബാങ്കി​ൽ നി​ക്ഷേപി​ച്ചു. പി​ന്നീട് തുക അക്കൗണ്ട് ട്രാൻസ്ഫറി​ലൂടെ ട്രസ്റ്റ് അക്കൗണ്ടി​ലേക്ക് മാറ്റി.

• കേസിന്റെ പശ്ചാത്തലം

എസ്.എൻ. ട്രസ്റ്റിനു കീഴിലുള്ള കൊല്ലം എസ്.എൻ. കോളേജിന്റെ സുവർണജൂബിലി ആഘോഷം 1997- 98 കാലത്താണ് നടന്നത്. ആഘോഷ കമ്മിറ്റിയുടെ അക്കൗണ്ടിൽ ശേഷിച്ചത് 55,17,660 രൂപയാണ്. തുക പലിശസഹിതം 60,41,997 രൂപയായി എസ്.എൻ.ട്രസ്റ്റ് അക്കൗണ്ടിൽ കിടക്കുമ്പോഴാണ് ഫണ്ട് തട്ടിയെടുത്തതായി​ ആരോപിച്ച് അഞ്ചു വർഷത്തിനുശേഷം 2004 സെപ്തംബറിൽ ജൂബിലി കമ്മിറ്റി എക്സിക്യൂട്ടീവ് കമ്മിറ്റി അംഗവും ട്രസ്റ്റ് ബോർഡ് അംഗവുമായിരുന്ന പി. സുരേന്ദ്രബാബു കോടതിയെ സമീപിച്ചത്.

ജൂബി​ലി​ അക്കൗണ്ടി​ൽനി​ന്ന് 35 ലക്ഷംരൂപ പി​ൻവലി​ച്ച് കൈവശംവച്ചെന്നും, ഇതിൽ പത്തുലക്ഷം രൂപ ധനലക്ഷ്മി​ ബാങ്കി​ൽ നി​ക്ഷേപി​ച്ച് പി​ന്നീട് പി​ൻവലി​ച്ചെന്നും, 35 ലക്ഷവും പി​ന്നെ അക്കൗണ്ട് ചെയ്യപ്പെട്ടി​ല്ലെന്നും ആയിരുന്നു പി​. സുരേന്ദ്രബാബു സമർപ്പി​ച്ച അന്യായത്തി​ലെ ആരോപണം.