കിഴക്കമ്പലം: കിഴക്കമ്പലം ട്വന്റി 20 പഞ്ചായത്ത് തിരഞ്ഞെടുപ്പിന്റെ കാഹളം മുഴക്കി. പഞ്ചായത്ത് തിരഞ്ഞെടുപ്പ് നടക്കാൻ രണ്ടു മാസത്തിലധികം സമയമാണ് ഇനിയുള്ളത്. വോട്ടർ പട്ടിക പുതുക്കിയിട്ടില്ല, തിരഞ്ഞെടുപ്പ് തീയതി പ്രഖ്യാപിച്ചുമില്ല എന്നാൽ സംസ്ഥാനത്ത് ആദ്യമായി സ്ഥാനാർത്ഥികളുടെ ലിസ്​റ്റ് പ്രഖ്യാപിച്ച് കിഴക്കമ്പലത്തെ ജനകീയ കൂട്ടായ്മയായ ട്വന്റി 20 തിരഞ്ഞെടുപ്പങ്കത്തിനൊരുങ്ങി. നിലവിൽ കിഴക്കമ്പലം പഞ്ചായത്ത് ഭരിക്കുന്ന ട്വന്റി 20 അടുത്ത പഞ്ചായത്ത് തിരഞ്ഞെടുപ്പിൽ പരിഗണിക്കുന്ന സ്ഥാനാർത്ഥി ലിസ്​റ്റ് പുറത്തിറക്കി. ആകെയുള്ള 19 വാർഡുകളിൽ നിലവിലെ ഭരണസമിതിയംഗങ്ങളായ പ്രസിഡന്റ്, വൈസ് പ്രസിഡന്റ് എന്നിവരടക്കം മൂന്നു പേരാണ് വീണ്ടും സ്ഥാനാർത്ഥി പട്ടികയിലുള്ളത്.

സ്ഥാനാർത്ഥികളെ 20നു പ്രഖ്യാപിക്കും

ഓരോ വാർഡിലെയും വിവിധ കമ്മി​റ്റിയംഗങ്ങൾ നൽകിയ നിർദേശങ്ങളുടെ അടിസ്ഥാനത്തിലാണ് ലിസ്​റ്റ് തയ്യാറാക്കിയിട്ടുള്ളതെന്ന് ചീഫ് കോ ഓർഡിനേ​റ്റർ സാബു എം. ജേക്കബ് പറഞ്ഞു. അതതു വാർഡുകളിലെ മറ്റുള്ളവരുടെയും അഭിപ്രായങ്ങൾ കൂടി പരിഗണിച്ച ശേഷം സ്ഥാനാർത്ഥികളെ 20നു പ്രഖ്യാപിക്കും.സംവരണ വാർഡുകൾ പ്രഖ്യാപിച്ച ശേഷമായിരിക്കും അവിടങ്ങളിലെ സ്ഥാനാർഥികളുടെ പ്രഖ്യാപനം.

സ്ഥാനാർത്ഥി പരിഗണനയിലുള്ളവർ: വാർഡ് 1. അമ്പുനാട്:കെ.ഇ. കൊച്ചുണ്ണി കപ്പയിൽ 2. മലയിടംതുരുത്ത്: നാൻസി ജിജോ കരിമ്പനയ്ക്കൽ 3. മാക്കീനിക്കര: എൽദോ എൻ. പോൾ 4. കാരുകുളം: ബീന ബേബി കറുകപ്പിള്ളി 5. കാവുങ്ങപ്പറമ്പ്: നിഷ അലിയാർ കീപേത്ത് 6. ചേലക്കുളം: സുനിത ജബ്ബാർ പറമ്പിള്ളി 7. കുമ്മനോട്: നസീമ ലത്തീഫ് കൊപ്പറമ്പിൽ 8. ചൂരക്കോട്: ബിന്ദു ആർ. 9. ഞാറള്ളൂർ: ദീപ എൽദോ നെടിയാൻ 10. കുന്നത്തുകുടി: അനു അനീഷ് 11. വിലങ്ങ്: അമ്പിളി വിജിൽ തൊഴുത്തുങ്കൽ 12. പൊയ്യക്കുന്നം: ബിനു അപ്പു കൂരാപ്പിള്ളി 13. കിഴക്കമ്പലം: ജിൻസി അജി മുട്ടംതോട്ടിൽ 14. താമരച്ചാൽ: ലിന്റ ആന്റണി കൂട്ടുങ്കൽ. 15. പഴങ്ങനാട്: ഷീബ ജോർജ് വടക്കേടത്തുവെട്ടൻ 16. മാളിയേക്കമോളം: ജെനീസ് മാർവിൻ കോയിക്കര 17. കാനാംപുറം: റെജീന ഷൈജൻ കാഞ്ഞിരത്തിങ്കൽ 18. ഊരക്കാട്: സീന റെജി നീ​റ്റുങ്കര 19. പുക്കാട്ടുപടി: മിനി രതീഷ് . ഇവരെ പൊതു ജനങ്ങളുടെ പരിഗണനക്കയച്ചു.