കൊച്ചി: ഉന്നത വിദ്യാഭ്യാസ വകുപ്പിന്റെ കീഴിലെ നൈപുണ്യ വികസന പദ്ധതിയായ അഡീഷണൽ സ്‌കിൽ അക്വിസിഷൻ പ്രോഗ്രാമിന്റെ (അസാപ് ) നേതൃത്വത്തിൽ വിദേശത്ത് തൊഴിൽ തേടുന്നവർക്ക് ഓൺലൈൻ വിദേശഭാഷാ പഠന ക്ലാസുകൾ ആരംഭിക്കുന്നു.

ഓൺലൈൻ കോഴ്സുകൾ

ജാപ്പനീസ്. കാലാവധി 5 - 150 മണിക്കൂർ. ജാപ്പനീസ് ലാംഗ്വേജ് പ്രൊഫിഷ്യൻസി ടെസ്റ്റ്. ഫീസ് 6900 രൂപ.

ജർമ്മൻ. കോഴ്‌സ് കാലാവധി 1- 80 മണിക്കൂർ, ഫീസ് 5200 രൂപ.

ഫ്രഞ്ച്. കാലാവധി 1 - 100 മണിക്കൂർ. ഫീസ് 5800 രൂപ.

അറബിക്. കോഴ്‌സ് കാലാവധി 100 - 120 മണിക്കൂർ.

സ്പാനിഷ് കോഴ്‌സ്. കാലാവധി 1 - 150 മണിക്കൂർ.

ആദ്യ ഘട്ടത്തിൽ ജർമ്മൻ, ഫ്രഞ്ച്, ജാപ്പനീസ് ഭാഷകളുടെ ക്ലാസുകളാണ് ആരംഭിക്കുന്നത്, അടുത്ത ഘട്ടത്തിൽ സ്പാനിഷ്, അറബിക് കോഴ്‌സുകളും ആരംഭിക്കും.അതാത് വിദേശ രാജ്യങ്ങളിലെ സർക്കാരുമായോ സർക്കാർ അംഗീകൃത അജൻസികളുമായോ ചേർന്നാണ് അസാപ് വിദേശ ഭാഷ പഠിക്കാൻ വിദ്യാർത്ഥികൾക്ക് അവസരം ഒരുക്കുന്നത്. ജർമ്മൻ, ജാപ്പനീസ് ഫ്രഞ്ച് ഭാഷകളുടെ ക്ലാസുകൾ ആഗസ്റ്റ് അവസാന വാരം മുതൽ ആരംഭിക്കും.

ലക്ഷ്യം വിദേശ അവസരങ്ങൾ

അസാപിന്റെ കമ്മ്യൂണിറ്റി സ്‌കിൽ പാർക്കിനോടനുബന്ധിച്ചാണ് ബഹുഭാഷ പരിശീലന കേന്ദ്രങ്ങൾ ആരംഭിച്ചത്. വർക്ക് ഫ്രം ഹോം എന്ന സംസ്‌കാരം നടപ്പിലാകുന്ന ഭാവികാലത്ത് അഭ്യസ്തവിദ്യരായ യുവതീയുവാക്കൾക്ക് വിദേശരാജ്യങ്ങളിൽ ലഭ്യമാകുന്ന ഉന്നതനിലവാരമുള്ള തൊഴിലവസരങ്ങൾ വീട്ടിലിരുന്നും പ്രയോജനപ്പെടുത്തുകയാണ് ലക്ഷ്യം. വിദേശരാജ്യങ്ങളിലെ എംബസികളുമായി സഹകരിച്ചാണ് വിവിധ വിദേശഭാഷകളിൽ പ്രാവീണ്യം നേടുന്നതിനായി ഓൺലൈൻ ഭാഷ കോഴ്‌സുകൾ ആരംഭിക്കുന്നത്.വിദേശ രാജ്യങ്ങളിലെ ഉയർന്നുവരുന്നതും അവസരങ്ങൾ അനേകമുള്ളതുമായ തൊഴിലുകൾ കണ്ടെത്തുകയും തൊഴിൽ നൈപുണ്യം യുവാക്കൾക്ക് കൃത്യമായി നൽകുവാനും അസാപിന്റെ കമ്മ്യൂണിറ്റി സ്‌കിൽ പാർക്കിന്റെ യാഥാർത്ഥ്യത്തോടെ സാദ്ധ്യമാകും.

രജിസ്റ്റർ ചെയ്യാനും വിവരങ്ങൾക്കും : വെബ്‌സൈറ്റുകൾ : www.asapkerala.gov.in, www.skilparkkerala.in
മൊബൈൽ : 9495999699, 9495999643, 9495999642, 9495999663