നെടുമ്പാശേരി: അനധികൃതമായി കടത്താൻ ശ്രമിച്ച 35 ലക്ഷം രൂപ വിലവരുന്ന സ്വർണവുമായി യാത്രക്കാരൻ നെടുമ്പാശേരി അന്താരാഷ്ട്ര വിമാനത്താവളത്തിൽ കസ്റ്റംസ് എയർ ഇന്റലിജൻസ് വിഭാഗത്തിന്റെ പിടിയിലായി. ഇന്നലെ പുലർച്ചെ സൗദി എയർലൈൻസ് വിമാനത്തിൽ ജിദ്ദയിൽ നിന്നെത്തിയ മലപ്പുറം വെള്ളായൂർ സ്വദേശി ജംഷീർ മുഹമ്മദാലിയാണ് പിടിയിലായത്. 718 ഗ്രാം സ്വർണമാണ് ഇയാളിൽ പിടികൂടിയത്. കമ്പി രൂപത്തിലാക്കിയ സ്വർണം കട്ടിംഗ് മെഷീനകത്ത് ഒളിപ്പിച്ചാണ് ഇയാൾ കടത്താൻ ശ്രമിച്ചത്‌.