കോലഞ്ചേരി: ജില്ലാ പഞ്ചായത്ത് 22 ലക്ഷം രൂപ ചിലവഴിച്ച് നവീകരിച്ച തട്ടാംമുകൾ -കൊടിയാരത്ത്കുന്ന് - തട്ടാംമുകൾ കോളനി റോഡ് ജില്ലാ പഞ്ചായത്തംഗം ജോർജ് ഇടപ്പരത്തി ഉദ്ഘാടനം ചെയ്തു. മഴുവന്നൂർ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മി​റ്റി ചെയർമാൻ അരുൺ വാസു അദ്ധ്യക്ഷനായി.പഞ്ചായത്തംഗം ബെ​റ്റീന എൽദോ എം.പി ഷാന്റി,ഇ.എ തമ്പി ഗണേശൻ,പി.കെ അനിൽകുമാർ,എം.വി ഏലിയാസ്,പി.എം ഉതുപ്പ്, കെ.എൻ ഷാജി,ജോസ് പോൾ,പി.സി അനിൽ,കെ.എം എൽദോസ് തുടങ്ങിയവർ സംബന്ധിച്ചു. മഴുവന്നൂർ പഞ്ചായത്തിലെ 16,18 വാർഡുകളെ തമ്മിൽ ബന്ധിപ്പിക്കുന്നതും,തട്ടാംമുകളിൽ നിന്നും ഏ​റ്റവും എളുപ്പത്തിൽ വളയൻചിറങ്ങരയിലേയ്ക്ക് പോകാവുന്ന റോഡാണിത്.