കോലഞ്ചേരി: തിരുവാണിയൂരിൽ ടിപ്പറും,ലോറിയും കൂട്ടിയിടിച്ച് ടിപ്പർ ഡ്രൈവർക്ക് പരിക്കേ​റ്റു. ഇന്നലെ രാവിലെ 7.45 ഓടെയാണ് അപകടം. തിരുവാണിയൂരിനടുത്ത് പഴുക്കാമ​റ്റത്തു നിന്നും ലോഡുമായി വന്ന മിനി ടിപ്പർ നിയന്ത്റണം വിട്ട് എതിരെ വന്ന നാഷണൽ പെർമി​റ്റ് ലോറിയിലേക്ക് ഇടിക്കുകയായിരുന്നു. അപകടത്തെ തുടർന്ന് ലോറി കാബിനിൽ കുരുങ്ങിയ ടിപ്പർ ഡ്രൈവറെ മുളന്തുരുത്തി ഫയർഫോഴ്‌സെത്തിയാണ് കാബിൻ വെട്ടിപ്പൊളിച്ച് പുറത്തെടുത്തത്. ഇദ്ദേഹത്തെ ആംബുലൻസിൽ എറണാകുളത്തുള്ള സ്വകാര്യ ആശുപത്രിയിലേക്ക് മാറ്റി.