മൂവാറ്റുപുഴ: കൊവിഡ് കാലത്ത് കേന്ദ്ര സർക്കാർ പിന്തുടരുന്ന അതിശക്തമായ ജനദ്രോഹ നയങ്ങളുടെ ഫലമായി ദുരിതമനുഭവിക്കുന്ന ആദായനികുതിദായകരല്ലാത്ത കുടുംബങ്ങൾക്ക് ആറ് മാസത്തേക്ക് പ്രതിമാസം 7500രൂപവീതം അക്കൗണ്ടിൽ നിക്ഷേപിച്ച് നൽകുക , തൊഴിലുറപ്പ് പദ്ധതി പ്രകാരമുള്ള 200ദിവസത്തെ ജോലി വർദ്ധിപ്പിച്ച വേതനത്തിന്റെ അടിസ്ഥാനത്തിൽ നൽകുക തുടങ്ങിയ 16 ആവശ്യങ്ങൾ ഉന്നയിച്ചുകൊണ്ട് സി.പി.എം ദേശീയ തലത്തിൽ സംഘടിപ്പിക്കുന്ന സത്യാഗ്രഹ സമരത്തിന്റെ ഭാഗമായി മൂവാറ്റുപുഴ ഏരിയ കമ്മറ്റിയുടെ നേതൃത്വത്തിൽ 5000 കേന്ദ്രങ്ങളിൽ ഇന്ന് സത്യാഗ്രഹ സമരം നടക്കും. വൈകിട്ട് 4മുതൽ 4.30 വരെയാണ് സത്യാഗ്രഹ സമരം. കൊവിഡ് മാനദണ്ഡം പാലിച്ചുകൊണ്ട് മൂവാറ്റുപുഴ ഏരിയ കമ്മറ്റി ഓഫീസിനുമുന്നിൽ നടക്കുന്ന സത്യാഗ്രഹത്തിന് ജില്ലാ സെക്രട്ടറിയേറ്റ് അംഗങ്ങളായ അഡ്വ. പി.എം. ഇസ്മായിൽ, പി.ആർ.മുരളീധരൻ എന്നിവർ നേതൃത്വം നൽകുമെന്ന് ഏരിയ സെക്രട്ടറി എം.ആർ പ്രഭാകരൻ അറിയിച്ചു.