പറവൂർ: കേരള പ്രദേശ് കോൺഗ്രസ് കമ്മിറ്റി പ്രളയാനന്തര പുനർനിർമ്മാണ പ്രവർത്തനങ്ങളുടെ ഭാഗമായി നിർമ്മിച്ചു നൽകുന്ന ആയിരം ഭവന പദ്ധതിയിൽ വടക്കേക്കര പഞ്ചായത്തിലെ സത്താർ ഐലന്റ് പറപ്പിള്ളി ചീക്കു ജോയിക്ക് നിർമ്മിച്ചു നൽകിയ വീടിന്റെ താക്കോൽദാനം കെ.പി.സി.സി വൈസ് പ്രസിഡന്റ് കെ.പി. ധനപാലനും വി.ഡി. സതീശൻ എം.എൽ.എയും ചേർന്ന് നിർവഹിച്ചു. കോൺഗ്രസ് നേതാക്കളായ പി.വി. ലാജു, എം.ടി. ജയൻ, പി.ആർ. സൈജൻ, എ.ഡി. ദിലീപ് കുമാർ, ശ്രീരാജ്, അനിൽ ഏലിയാസ് തുടങ്ങിയവർ പങ്കെടുത്തു.