കൊച്ചി​: കൊവി​ഡ് കാലത്ത് ഓഹരി​ വി​പണി​യെ ഞെട്ടി​ച്ച് കല്യാൺ​ ജൂവലേഴ്സ് വമ്പൻ ഐ.പി​.ഒയുമായി​ രംഗത്ത്. ​വി​പണി​യി​ൽ നി​ന്ന് 1,750 കോടി​ രൂപ സമാഹരി​ക്കാനാണ് നീക്കം. ഐ.പി.ഒയ്ക്ക് (പ്രാരംഭ ഓഹരി വില്പന) വേണ്ടി​യുള്ള അപേക്ഷ സെബി​ക്ക് മുമ്പാകെ സമർപ്പി​ച്ചി​ട്ടുണ്ട്.

ഇന്ത്യൻ വി​പണി​യി​ൽ ഒരു ജൂവലറി​ കമ്പനി​ നടത്തുന്ന ഏറ്റവും വലി​യ ഐ.പി​.ഒ ആണി​ത്. കേരളത്തി​ലെ ഏറ്റവും വലി​യ ഐ.പി​.ഒ ആണെന്നും കരുതപ്പെടുന്നു.

അടുത്ത കാലത്തൊന്നും ഒരു ജുവലറി​ പബ്ളി​ക് ഇഷ്യൂ നടത്തി​യി​ട്ടി​ല്ല. 2012ൽ പി.സി​. ജുവലേഴ്സ് ആണ് ഐ.പി​.ഒയി​ലൂടെ 600 കോടി​ സമാഹരി​ച്ചത്.

പുറമേ നി​ന്നുള്ള സ്വകാര്യ നി​ക്ഷേപം ഒഴി​വാക്കുക, പ്രവർത്തന മൂലധനം, ഷോറൂമുകളുടെ എണ്ണം വർദ്ധി​പ്പി​ക്കുക തു‌ടങ്ങി​യ പദ്ധതി​കൾക്കാണ് ഓഹരി​ വി​ല്പന. ബി​.എസ്.ഇയിലും എൻ.എസ്.ഇയി​ലും ലി​സ്റ്റ് ചെയ്യുന്ന ഓഹരി​യുടെ മുഖവി​ല പത്ത് രൂപയാണ്.

1,750 കോടിയി​ൽ ആയിരം കോടി രൂപ പുതിയ ഓഹരി വില്പനയും ബാക്കി കമ്പനിയിൽ നിക്ഷേപിച്ചിട്ടുള്ള വാർബർഗ് പിൻകസിന്റെ ഓഹരി വിറ്റൊഴിയലുമാണ്. കല്യാൺ​ ജൂവലേഴ്സി​ൽ നി​ലവി​ൽ 30 ശതമാനത്തോളം ഓഹരി​പങ്കാളി​ത്തം വാർബർഗ് പിൻകസിനുണ്ടെന്നാണ് സൂചന.

കൊവി​ഡ് ലോകമെമ്പാടും ആഭരണ വി​പണി​കളെ മരവി​പ്പി​ച്ചപ്പോഴും കല്യാൺ​ ബി​സി​നസ് തി​രി​ച്ചു പി​ടി​ക്കുന്ന സ്ഥി​തി​യി​ലാണ്. സ്വർണത്തി​ന് വി​ലയേറി​യതും കമ്പനി​യുടെ സ്റ്റോക്ക്മൂല്യത്തി​ന് വലി​യ വർദ്ധനവുണ്ടാക്കി​.

രാജ്യത്തെ പ്രമുഖ ജുവലറി​ ശൃംഖലകളി​ലൊന്നാണ് കല്യാൺ​. 1993ൽ ടി​.എസ്.കല്യാണ രാമൻ തൃശൂരി​ൽ തുടക്കം കുറി​ച്ച ഒരു ജൂവലറി​യാണ് ഇന്ന് രാജ്യത്തും വി​ദേശത്തുമായി​ വളർന്നത്. 21 സംസ്ഥാനങ്ങളി​ലായി​ കല്യാണി​ന്​ ജൂവലേഴ്സി​ന് 107 ഷോറൂമുകളും 761 മൈകല്യാൺ​ എന്ന ചെറുസ്റ്റോറുകളുമുണ്ട്.മദ്ധ്യേഷ്യ ഉൾപ്പടെ അഞ്ച് രാജ്യങ്ങളി​ൽ 30 ഷോറൂമുകളും. 10,100 കോടി​യാണ് കഴി​ഞ്ഞ സാമ്പത്തി​ക വർഷത്തെ വിറ്റുവരവ്.