കൊച്ചി: മഹാത്മാ ഗാന്ധി ദക്ഷിണാഫ്രിക്കയിലായിരുന്നപ്പോൾ ഉപയോഗിച്ച കണ്ണട തിരിച്ച് ഇന്ത്യയിലെത്തിക്കാൻ വേണ്ട നടപടി സ്വീകരിക്കണമെന്ന് കേരള പ്രദേശ് ഗാന്ധി ദർശൻ വേദി സംസ്ഥാന കമ്മിറ്റി ആവശ്യപ്പെട്ടു. ലണ്ടനിലെ സൗത്ത് വെസ്റ്റ് ഹൻഹാമിലുള്ള ഈസ്റ്റ് ബ്രിസ്റ്റോൾ ഓക്ഷൻ ഹൗസിൽ നടന്ന ഓൺലൈൻ ലേലത്തിൽ ഗാന്ധിജിയുടെ കണ്ണട രണ്ടര കോടി രൂപയ്ക്ക് യു. എസ്, പൗരൻ സ്വന്തമാക്കിയിരുന്നു.നൂറു വർഷത്തിലേറെ പഴക്കമുള്ള സ്വർണ നിറത്തിലുള്ള കണ്ണട അതിന്റെ മൂല്യം തിരിച്ചറിഞ്ഞ് തിരിച്ചുവാങ്ങി രാജ്യത്തെ ഏതെങ്കിലും മ്യുസിയത്തിൽ പൊതുജനങ്ങൾക്ക് കാണാൻ കഴിയുന്ന വിധത്തിൽ പ്രദർശിപ്പിക്കണമെന്ന് സംസ്ഥാന ചെയർമാൻ ഡോ .എം.സി. ദിലീപ് കുമാർ , ജനറൽ സെക്രട്ടറി ഡോ: നെടുമ്പന അനിൽ എന്നിവർ സർക്കാരിന് നൽകിയ നിവേദത്തിൽ അഭ്യർത്ഥിച്ചു.