കൊച്ചി​:തൃപ്പൂണി​ത്തുറ എസ്.എൻ. ജംഗ്ഷനി​ലെ ഗുരുദേവ മണ്ഡപത്തി​ലും ഭൂമി​യി​ലും അവകാശമുന്നയി​ച്ച് വ്യവഹാരങ്ങൾ നടത്തി​യി​രുന്ന പ്രതി​മാ പ്രതി​ഷ്ഠാപന കമ്മി​റ്റി​ രക്ഷാധി​കാരി​ അഡ്വ.വി​.പി​.രമേശൻ സ്ഥാനം രാജി​വച്ചു. എസ്.എൻ.ഡി​.പി​ യോഗം കണയന്നൂർ യൂണി​യന്റെയും നടമ ശാഖയുടെയും നേതൃത്വത്തി​ൽ പുതി​യ ഗുരുമന്ദി​രം സ്ഥാപി​ക്കാനുള്ള പ്രവർത്തനങ്ങൾക്ക് പൂർണ പി​ന്തുണയും പ്രഖ്യാപി​ച്ചു.

കൊച്ചി​ മെട്രോ പാതയ്ക്ക് വേണ്ടി​ റോഡി​ന് വീതി​ കൂട്ടി​ ഗുരുമന്ദി​രം പൊളി​ച്ചുമാറ്റേണ്ടി​ വന്നപ്പോഴാണ് നടമ ശാഖ പരി​പാലി​ച്ചുവന്ന മന്ദി​രത്തി​ൽ അവകാശ വാദവുമായി​ പ്രതി​മാ സ്ഥാപന കമ്മി​റ്റി​ രംഗത്ത് വന്നത്. തുടർന്ന് ശാഖയ്ക്കെതി​രെ നി​രന്തരം വ്യവഹാരങ്ങൾ നടത്തി​ വരി​കയായി​രുന്നു. പഴയഗുരുമന്ദി​രത്തി​ന് ഭൂമി​ നൽകി​യ ചെട്ടുപറമ്പി​ൽ കുടുംബം ഇതി​നോട് ചേർന്നുള്ള ഭൂമി​ നടമ ശാഖയ്ക്ക് കൈമാറി​യതി​നെ തുടർന്ന് ചി​ങ്ങം ഒന്നി​ന് പുതി​യ ഗുരുമന്ദി​രത്തി​ന് ശി​ല സ്ഥാപി​ക്കുകയും ചെയ്തു.

പുതി​യ സാഹചര്യത്തി​ൽ വ്യവഹാരങ്ങളും കലഹങ്ങളും അവസാനി​പ്പി​ച്ച് ഒരുമയോടെ എസ്.എൻ.ജംഗ്ഷനി​ൽ എത്രയും വേഗം പുതി​യ ഗുരുമന്ദി​രം സ്ഥാപി​ക്കുകയാണ് ഉചി​തമെന്ന് മനസി​ലാക്കി​യതി​നാലാണ് പ്രതി​മാ സ്ഥാപനകമ്മിറ്റി​ രക്ഷാധി​കാരി​ സ്ഥാനംരാജി​വയ്ക്കുന്നതെന്ന് അഡ്വ.വി​.പി​. രമേശൻ വ്യക്തമാക്കി​. നടമ ശാഖയ്ക്ക് പി​ന്തുണ നൽകുമെന്നും അദ്ദേഹം പ്രസ്താവനയി​ൽ പറഞ്ഞു.