കോലഞ്ചേരി: പാമ്പിനെ ഇനി 'ആപ്പിലാക്കി' പിടിക്കാം.പാമ്പ് പിടിത്തം നിയമവിധേയമാക്കാൻ സർപ (SARPA|) എന്ന പേരിൽ വനം വകുപ്പിന്റെ ആപ് നിലവിൽ വന്നു. പൊതു ജനം (പബ്ലിക്), പാമ്പ് പിടിത്തക്കാരൻ (റെസ്‌ക്യുവർ) എന്നിങ്ങനെ 2 ഓപ്ഷനുകൾ ആപ്പിലുണ്ട്.റെസ്‌ക്യുവർക്ക് ആപ്പിൽ റജിസ്​റ്റർ ചെയ്യാൻ പാമ്പ് പിടിത്തത്തിനു വനം വകുപ്പ് നൽകിയ ലൈസൻസ് കൂടി അപ്‌ലോഡ് ചെയ്യണം.വിവരങ്ങൾ അപ്‌ലോഡ് ചെയ്യാതെ പാമ്പിനെ കൈവശം സൂക്ഷിച്ചാൽ വനം വന്യജീവി സംരക്ഷണ നിയമപ്രകാരം കേസെടുക്കും.8 വർഷം തടവും പിഴയും ശിക്ഷ ലഭിക്കാവുന്ന കു​റ്റവും ചുമത്തും പൊതുജനത്തിന് നേരിട്ട് ആപ്പിൽ രജിസ്​റ്റർ ചെയ്യാം. വീട്ടിലോ കോഴിക്കൂട്ടിലോ പാമ്പിനെ കണ്ടാൽ ഫോട്ടോ എടുത്ത് അപ്‌ലോഡ് ചെയ്താൽ 25 കിലോമീ​റ്റർ ചു​റ്റളവിലെ എല്ലാ പാമ്പ് പിടിത്തക്കാർക്കും സന്ദേശം എത്തും. ഏ​റ്റവും അടുത്തുള്ള ആൾ സഹായവുമായി ഉടൻ സ്ഥലത്തെത്തും ചീഫ് വൈൽഡ് ലൈഫ് വാർഡൻ ഉൾപ്പെടെ സംസ്ഥാനത്ത് ബന്ധപ്പെട്ട എല്ലാ ഉദ്യോഗസ്ഥരും ആപ് നിരന്തരം നിരീക്ഷിച്ചു കൊണ്ടിരിക്കും.ആപ്പ് പ്ളെ സ്റ്റോറിൽ ലഭ്യമാക്കി.

ആപ്പിൽ 2 ഓപ്ഷനുകൾ

പൊതു ജനം (പബ്ലിക്),

പാമ്പ് പിടിത്തക്കാരൻ (റെസ്‌ക്യുവർ)