തൊടുപുഴ: സ്വർണ്ണകള്ളക്കടത്തു കേസിൽ മുഖ്യമന്ത്രിയുടെ ഓഫീസിന്റെ പങ്കും സർക്കാരിന്റെ അഴിമതികളും സി.ബി.ഐ അന്വേഷിക്കണമെന്നും മുഖ്യമന്ത്രി രാജിവയ്ക്കണമെന്നും ആവശ്യപ്പെട്ട് മൂന്നിന് രാവിലെ 10 മുതൽ ഉച്ചയ്ക്ക് 12.30 വരെ പി.ജെ. ജോസഫ് എം.എൽ.എ തൊടുപുഴ മാതാ ഷോപ്പിംഗ് ആർക്കേഡിലുള്ള കേരള കോൺഗ്രസ് ഓഫീസിലും ഡീൻ കുര്യാക്കോസ് എം.പി, യു.ഡി.എഫ് ജില്ലാ ചെയർമാൻ അഡ്വ. എസ്. അശോകൻ എന്നിവർ തൊടുപുഴ രാജീവ് ഭവനിലും സത്യാഗ്രഹം അനുഷ്ഠിക്കും. കൊവിഡ് വ്യാപനം രൂക്ഷമായ സാഹചര്യത്തിലാണ് പൊതു വേദികൾ ഒഴിവാക്കി പാർട്ടി ഓഫീസുകൾ സമര വേദിയാക്കിയതെന്ന് യു.ഡി.എഫ് നേതാക്കൾ അറിയിച്ചു.