ഇടുക്കി - പട്ടികജാതി വകുപ്പ് ജില്ലയിലെ കാമാക്ഷി പഞ്ചായത്തിലേക്ക് എസ് സി പ്രൊമോട്ടർമാരെ നിയമിക്കുന്നതിനു അപേക്ഷ ക്ഷണിച്ചു. അപേക്ഷകർ പട്ടികജാതിവിഭാഗക്കാരും 18നും 40നും മധ്യേ പ്രായമുള്ളവരും പ്രീഡിഗ്രി അല്ലെങ്കിൽ പ്ലസ് ടു പാസായവരും ആയിരിക്കണം. പട്ടികജാതി മേഖലയിൽ പ്രവർത്തിക്കുന്ന സാമൂഹ്യ പ്രവർത്തകർക്കും അപേക്ഷിക്കാം. ഇവരുടെ വിദ്യാഭ്യാസ യോഗ്യത എസ് എസ് എൽസിയും ഉയർന്ന പ്രായപരിധി 50 ആണ്. മൂന്നുവർഷത്തിൽ കുറയാതെ സാമൂഹ്യപ്രവർത്തനം നടത്തുന്നവരാണെന്ന റവന്യൂ അധികാരികളുടെ സാക്ഷ്യപത്രം വേണം.
നിശ്ചിത മാതൃകയിലുള്ള അപേക്ഷ, ജാതി, വിദ്യാഭ്യാസ യോഗ്യത, പ്രായം എന്നിവ തെളിയിക്കുന്നതിനുളള സർട്ടിഫിക്കറ്റുകൾ, സാമൂഹ്യപ്രവർത്തനം സംബന്ധിച്ച സാക്ഷ്യപത്രം, തദ്ദേശസ്ഥാപന സെക്രട്ടറിയിൽ വാസ സർട്ടിഫിക്കറ്റ്, പാസ്‌പോർട്ട് സൈസ് ഫോട്ടോ എന്നിവ സഹിതം ആഗസ്റ്റ് 13ന് അഞ്ചുമണിക്കു മുമ്പ് ജില്ലാ പട്ടിക വികസന ഓഫീസർക്കു സമർപ്പിക്കണം. കൂടുതൽ വിവരങ്ങളും അപേക്ഷാ ഫോറം മാതൃകയും ബ്‌ളോക്ക്, മുനിസിപ്പൽ പട്ടികജാതി വികസന ഓഫീസുകൾ, ജില്ലാ പട്ടികജാതി വികസന ഓഫീസ് എന്നിവിടങ്ങളിൽ നിന്നും ലഭിക്കും. ഫോൺ 8547630073.