ഇടുക്കി: ജില്ലയിൽ നാല് താലൂക്കുകളിലായി ഇപ്പോൾ 18 ദുരിതാശ്വാസ ക്യാമ്പുകളാണ് ഉള്ളത്. 42 കുടുംബങ്ങളിൽ നിന്നായി 146 പേരെ ക്യാമ്പുകളിലേക്ക് മാറ്റി താമസിപ്പിച്ചിട്ടുണ്ട്. ഇടുക്കി താലൂക്കിൽ ഉപ്പുതോട് വില്ലേജിലെ കരിക്കിൻമേട് ഗവ. എൽ.പി.സ്‌കൂളിലെ ക്യാമ്പിലേക്ക് രണ്ട് കുടുംബങ്ങളിൽ നിന്നായി എട്ട് പേരെ മാറ്റി. വാത്തിക്കുടി വില്ലേജിൽ നിന്നും പാരിഷ്ഹാളിലെ ക്യാമ്പിലേക്ക് 19 കുടുംബങ്ങളിൽ നിന്നായി 64 പേരെ മാറ്റി. ഉടുമ്പൻചോല താലൂക്ക് ആനവിലാസം വില്ലേജിലെ കരിങ്കുന്നം ഗവ: എൽ പി സ്‌കൂളിലേക്ക്ആറ് കുടുംബങ്ങിൽ നിന്നായി 27 പേരെ മാറ്റി താമസിപ്പിച്ചു. തൊടുപുഴ താലൂക്ക് അറക്കുളം വില്ലേജിൽ നിന്നും മൂലമറ്റം ഗവ. ഹയർ സെക്കണ്ടറി സ്‌കൂളിലെ ക്യാമ്പിലേക്ക് ഒരു കുടുംബത്തിൽ നിന്നായി രണ്ട് സ്ത്രീകളെ മാറ്റി തമാസിപ്പിച്ചിട്ടുണ്ട്. ദേവികുളം താലൂക്ക് മൂന്നാർ വില്ലേജിൽ നിന്നും ശിക്ഷക്‌സദൻ ക്യാമ്പിലേക്ക് അഞ്ച് കുടുംബങ്ങളിൽ നിന്നായി 20 പേരെ മാറ്റി. പീരുമേട് താലൂക്കിലെ വാഗമൺ വില്ലേജിൽ നിന്നും സെന്റ് സെബാസ്റ്റ്യൻ സ്‌കൂൾ കാപ്പിപ്പതാൽ ക്യാമ്പിലേക്ക് ഒൻപത് കുടുംബങ്ങളിൽ നിന്നായി 25 പേരെ മാറ്റി പാർണ്ടിച്ചു.