തൊടുപുഴ :ബ്ലോക്ക് പഞ്ചായത്തിന്റെ നേതൃത്വത്തിൽ പുറപ്പുഴയിൽ പണിതീർത്ത പകൽ വീട് തുറന്ന് കൊടുത്തു. പഞ്ചായത്തിലെ വയോജനങ്ങളുടെ കൂട്ടായ്മക്കും മാനസിക ഉല്ലാസത്തിനും ഉപകരിക്കുന്ന തരത്തിലാണ് പകൽ വീടിന്റെ പ്രവർത്തനം സജ്ജീകരിച്ചിരിക്കുന്നത്. പഞ്ചായത്തിലെ വയോജന ക്ലബ്ബിന്റെ നേതൃത്വത്തിലാണ് പ്രവർത്തനങ്ങൾ നടത്തുന്നത്.പി.ജെ.ജോസഫ് എം.എൽ.എ. നൽകിയ സ്ഥലത്താണ് കെട്ടിടത്തിന്റെ നിർമാണം പൂർത്തീകരിച്ചിരിക്കുന്നത്. പകൽ വീടിന്റെ പ്രവർത്തന ഉദ്ഘാടനം തൊടുപുഴ ബ്ലോക്ക് പഞ്ചായത്ത് പ്രസിഡന്റ് സിനോജ് എരിച്ചിരിക്കാട്ട് നിർവ്വഹിച്ചു. ഗ്രാമ പഞ്ചായത്ത് പ്രസിഡന്റ് ഏലിക്കുട്ടി മാണി അദ്ധ്യക്ഷത വഹിച്ചു. വൈസ് പ്രസിഡന്റ് അഡ്വ.റെനീഷ് മാത്യു, ലീലമ്മ ജോസ്, ബിന്ദു ബെന്നി, ടോമിച്ചൻ മുണ്ടുപാലം, സുജ സലിംകുമാർ, ജോസ് പാറത്തട്ടേൽ, ആലീസ് ജോസ്, ആർ.ഗോപിനാഥൻ, എ.ആർ.ഉഷ, ബിനു തോമസ് എന്നിവർ സംസാരിച്ചു.