തൊടുപുഴ : എസ്.എൻ.ഡി.പി യോഗം തൊടുപുഴ യൂണിയനിൽ ചിങ്ങം ഒന്ന് പതാക ദിനമായി ആചരിച്ചു. യൂണിയൻ ഓഫീസിൽ കോവിഡ് മാനദണ്ഡങ്ങൾ പാലിച്ച് യൂണിയൻ വൈസ് ചെയർമാൻ ഡോ. കെ.സോമൻ പതാക ഉയർത്തി. യൂണിയൻ കൺവീനർ ജയേഷ്.വി,​ യൂണിയൻ വനിതാ സംഘംയൂണിയൻ പ്രസിഡന്റ് പൊന്നമ്മ രവീന്ദ്രൻ തുടങ്ങിയവർ പങ്കെടുത്തു. യൂണിയന്റെ 46 ശാഖ ഓഫീസുകളിലും ഗുരുക്ഷേത്രങ്ങളിലും ഗുരുമന്ദിരങ്ങളിലും മുഴുവൻ ഭവനങ്ങളിലും പതാക ഉയർത്തി.