ഇടുക്കി: പാമ്പനാർ ശ്രീനാരായണ ട്രസ്റ്റ്‌ ആർട്സ് ആൻഡ് സയൻസ് (എയ്ഡഡ്) കോളേജിൽ ഒന്നാം വർഷ ബി.എ ഇംഗ്ലീഷ്, ബി.എസ്.സി മാത്തമാറ്റിക്സ്, ബി.കോം ഓഫീസ് മാനേജ്മെന്റ് ആൻഡ് സെക്രട്ടേറിയൽ പ്രാക്ടീസ് എന്നീ കോഴ്സുകളിൽ കമ്മ്യൂണിറ്റി ക്വാട്ട (ഈഴവ വിഭാഗം) അപേക്ഷ നൽകാൻ ആഗ്രഹിക്കുന്ന വിദ്യാർത്ഥികൾ 24 ന് വൈകിട്ട് നാലിന് മുമ്പായി കോളേജ് ഓഫീസിൽ തപാൽമാർഗം അപേക്ഷ നൽകണം. അപേക്ഷയോടൊപ്പം മഹാത്മാ ഗാന്ധി സർവകലാശാല ക്യാപ് രജിസ്ട്രേഷന്റെ കോപ്പിയും, എസ്.എസ്.എൽ.സി, പ്ലസ് ടു സർട്ടിഫിക്കറ്റിന്റെ കോപ്പിയും അപേക്ഷ ഫീസായ 55 രൂപയുടെ ഡി.ഡി എസ്. ബി. ഐ പീരുമേട് ബ്രാഞ്ചിൽ മാറത്തക്ക വിധം അയച്ചു തരേണ്ടതാണ്. അപേക്ഷ ഫീസ് ഇല്ലാത്ത അപേക്ഷകൾ സ്വീകരിക്കുന്നതല്ല. അപേക്ഷ ഫോറത്തിനോ അപേക്ഷ നൽകുന്നതിനോ കോളേജിൽ എത്തേണ്ട ആവശ്യം ഇല്ല. മാനേജ്മെന്റ് ക്വാട്ടയിൽ അപേക്ഷ നൽകാൻ ആഗ്രഹിക്കുന്നവർ അപേക്ഷ പൂരിപ്പിച്ചു തപാൽമാർഗം പ്രിൻസിപ്പലിന് നൽകേണ്ടതാണ്. കമ്മ്യൂണിറ്റി / മാനേജ്മെന്റ് ക്വാട്ടയുടെ വിശദ വിവരം കോളേജ് വെബ്‌സൈറ്റിൽ (www.sntascpambanar.in) ലഭിക്കും.