തൊടുപുഴ: സാമൂഹ്യപ്രശ്‌നങ്ങൾ നേരിടുന്ന മിശ്രവിവാഹ ദമ്പതികൾക്ക് സുരക്ഷിതമായി താമസിക്കുന്നതിന് (പരമാവധി ഒരു വർഷം) സംസ്ഥാനതലത്തിൽ സേഫ്‌ഹോം ആരംഭിക്കുന്നു. പരമാവധി 10 ദമ്പതികൾക്ക് ഒരേ സമയം താമസ സൗകര്യം ഒരുക്കാൻ കഴിയുന്നതും പുനരധിവാസ മേഖലയിൽ പ്രവൃത്തി പരിചയം ഉള്ളതുമായ സന്നദ്ധ സംഘടനകളിൽ നിന്നും പ്രൊപ്പോസൽ ക്ഷണിച്ചു. താമസ കാലയളവിൽ ദമ്പതികൾക്ക് ഭക്ഷണം ഉൾപ്പെടെയുള്ള അടിസ്ഥാന സൗകര്യങ്ങൾ ലഭ്യമാക്കണം. താൽപ്പര്യമുള്ള സന്നദ്ധ സംഘടനകൾ സെപ്തംബർ അഞ്ചിന് മുമ്പായി അപേക്ഷ സമർപ്പിക്കണം. കൂടുതൽ വിവരങ്ങൾക്ക് ജില്ലാ സാമൂഹ്യനീതി ഓഫീസുകളിലോ സാമൂഹ്യനീതി ഡയറക്ടറേറ്റ്, അഞ്ചാംനില, വികാസ് ഭവൻ, തിരുവനന്തപുരം എന്ന വിലാസത്തിലോ ബന്ധപ്പെടണം. ഫോൺ 0471 2306040.