പെട്ടിമുടിയിലെ ദുരന്തബാധിത പ്രദേശത്തു നിന്നും കന്നിമലയിലേക്ക് മറ്റി പാർപ്പിച്ച 68 കുടുംബങ്ങൾക്ക് ഭക്ഷ്യധാന്യ കിറ്റുകൾ വിതരണം ചെയ്തു. എസ് രാജേന്ദ്രൻ എം എൽ എയുടെ അദ്ധ്യക്ഷതയിൽ ചേർന്ന ചടങ്ങിൽ മന്ത്രി എം എം മണി കിറ്റുകളുടെ വിതരണോദ്ഘാടനം നിർവ്വഹിച്ചു. ദുരന്തത്തിൽ അകപ്പെട്ടവരുടെ പുനരദ്ധിവാസം കമ്പിനിയുടെ സഹകരണം കൂടി ഉൾപ്പെടുത്തി എത്രയും വേഗം നടപ്പിലാക്കും. ഇക്കാര്യം കമ്പിനിയുമായി ചർച്ച ചെയ്യാൻ പ്രത്യേക യോഗം വിളിക്കും. അടിയന്തര പ്രാധന്യമുള്ള വിഷയമെന്ന നിലയിൽ സർക്കാർ ഇത് ഏറ്റെടുക്കുമെന്നും മന്ത്രി പറഞ്ഞു. മൂന്നാർ ഡിവൈ .എസ് .പി രമേഷ്‌കുമാർ, സഹകരണ സംഘം പ്രസിഡന്റ് ജോസഫ് കുര്യൻ, പൊലീസ് സംഘടന ഭാരവാഹികളായ കെ.എസ് ഔസേപ്പ്, പി.കെ ബൈജു, പി.എം ബിനോയി, എച്ച് സനൽകുമാർ, ടി.പി രാജൻ, മനോജ് കുമാർ തുടങ്ങിയവരും ചടങ്ങിൽ പങ്കെടുത്തു.