കണ്ണൂർ: പയ്യാമ്പലം ശ്മശാനത്തിൽ സംസ്‌കരിക്കാൻ കൊണ്ടുവന്ന കൊവിഡ് രോഗിയുടെ മൃതദേഹം പൂർണമായി കത്താതെ ഉപേക്ഷിച്ച് പോയത് ആശങ്കയ്ക്കിടയാക്കി. ഇതേതുടർന്ന് ശ്മശാനം അടച്ചിട്ടു.

ഞായറാഴ്ച്ച വൈകീട്ടോടെയാണ് ചക്കരക്കൽ പൊലീസ് സ്‌റ്റേഷൻ പരിധിയിൽ കൊവിഡ് ബാധിച്ച് മരിച്ച യുവാവിന്റെ മൃതദേഹം ആരോഗ്യവകുപ്പ് അധികൃതരും ഏതാനും ബന്ധുക്കളും ചേർന്ന് ഇവിടെ സംസ്‌കരിക്കാൻ കൊണ്ടുവന്നത്. എന്നാൽ മൃതദേഹം ഭാഗികമായി കത്തിയപ്പോൾ തന്നെ ഇവർ തിരിച്ചുപോയത്രെ. പാതി കത്തിയ മൃതദേഹം ഇന്നലെ രാവിലെ ബന്ധുക്കൾ എത്തി പൂർണമായും കത്തിക്കുകയും ചെയ്തു. യാതൊരു കൊവിഡ് സുരക്ഷാ മാനദണ്ഡവും പാലിക്കാതെയാണ് ചടങ്ങുകൾ നടത്തിയെതെന്നാണ് ആരോപണം.

അതേ സമയം ഇതൊന്നുമറിയാതെ ഇന്നലെ രാവിലെ കണ്ണൂർ നഗരത്തിന്റെ പരിസരത്ത് നിന്നെത്തിച്ച മൃതദേഹങ്ങൾ പയ്യാമ്പലത്ത് സംസ്‌കരിക്കുകയും ചെയ്തു. ജീവനക്കാരെത്താത്തതിനെ തുടർന്ന് ബന്ധുക്കളാണ് സംസ്കാരചടങ്ങുകൾ നടത്തിയത്. നേരത്തെ സംസ്‌കരിച്ചവരുടെ മരണാനന്തരചടങ്ങുകൾക്കായും ഏതാനും പേർ ഇവിടെ എത്തിയിരുന്നു. സംഭവമറിഞ്ഞതോടെ പരിസരവാസികളും നാട്ടുകാരും ഏറെ പരിഭ്രമത്തിലാണ്. സംസ്‌കാരജോലിയിൽ പങ്കെടുക്കില്ലെന്ന ഉറച്ച തീരുമാനത്തിലാണ് ശ്മശാനത്തിലെ തൊഴിലാളികൾ.

കോ​ർ​പ്പ​റേ​ഷ​ന്റേ​ത് ​അ​നാ​വ​ശ്യ​ ​ആ​ശ​ങ്ക​യെ​ന്ന്

കൊ​വി​ഡ് ​രോ​ഗി​യു​ടെ​ ​മൃ​ത​ദേ​ഹം​ ​സം​സ്ക​രി​ച്ച​തു​മാ​യി​ ​ബ​ന്ധ​പ്പെ​ട്ട് ​കോ​ർ​പ്പ​റേ​ഷ​ൻ​ ​പു​ല​ർ​ത്തു​ന്ന​ത് ​അ​നാ​വ​ശ്യ​ ​ആ​ശ​ങ്ക​യാ​ണെ​ന്ന് ​കൗ​ൺ​സി​ല​ർ​ ​അ​ട​ക്ക​മു​ള്ള​വ​ർ പറയുന്നു.​ ​മൃ​ത​ദേ​ഹം​ ​പൂ​ർ​ണ്ണ​മാ​യി​ ​ക​ത്തി​യി​ട്ടു​ണ്ടെ​ന്നും​ ​മ​ര​ക്കു​റ്റി​ക​ൾ​ ​മാ​ത്ര​മാ​ണ് ​കത്തി​ ​തീ​രാഞ്ഞ​തെ​ന്നും​ ​ഇ​തി​നു ശേ​ഷം​ ​മ​റ്റൊ​രു​ ​മൃ​ത​ദേ​ഹം​ ​ദ​ഹി​പ്പി​ക്കാ​ൻ​ ​പോ​യ​ ​കൗ​ൺ​സി​ല​ർ​ ​ഉ​ൾ​പ്പെ​ടെ​യു​ള്ള​വ​ർ​ ​പ​റ​യു​ന്ന​ത്.​ ​ഔ​ദ്യോ​ഗി​ക​ ​അ​റി​യി​പ്പ് ​പോ​ലും​ ​ഇ​ല്ലാ​തെ​ ​ശ്മ​ശാ​ന​ത്തി​ൽ​ ​ജീ​വ​ന​ക്കാ​ർ​ ​എ​ത്താ​ത്ത​ത് വ​ലി​യ​ ​വീ​ഴ്ച്ച​യാ​ണെ​ന്നും​ ​ആ​ക്ഷേ​പം​ ​ഉ​യ​ർ​ന്നി​ട്ടു​ണ്ട്.