26 പേർക്ക് സമ്പർക്കം മൂലം
കണ്ണൂർ: ജില്ലയിൽ 57 പേർക്ക് ഇന്നലെ കൊവിഡ് സ്ഥിരീകരിച്ചു. സമ്പർക്കം മൂലമാണ് 26 പേർക്ക് രോഗബാധ. ഏഴ് ആരോഗ്യപ്രവർത്തകർക്കും മൂന്ന് ഡി.എസ്.സി ഉദ്യോഗസ്ഥർക്കും ഇതര സംസ്ഥാനത്ത് നിന്ന് എത്തിയ 21 പേർക്കും രോഗം സ്ഥിരീകരിച്ചു.
ഇതോടെ ജില്ലയിൽ ഇതുവരെ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകളുടെ എണ്ണം 1640 ആയി.
ഇതിൽ 1221 പേർ രോഗ മുക്തി നേടി. ജില്ലയിൽ നിലവിൽ നിരീക്ഷണത്തിലുള്ളത് 9324 പേരാണ്.
ജില്ലയിൽ നിന്ന് ഇതുവരെ 36561 സാംപിളുകൾ പരിശോധനയ്ക്ക് അയച്ചതിൽ 36051 എണ്ണത്തിന്റെ ഫലം വന്നു. 510 എണ്ണത്തിന്റെ ഫലം ലഭിക്കാനുണ്ട്.

38 പേർക്കു കൂടി രോഗമുക്തി

ആശുപത്രികളിലും ഫസ്റ്റ്‌ലൈൻ കൊവിഡ് ട്രീറ്റ്‌മെന്റ് സെന്ററുകളിലും ചികിത്സയിലായിരുന്ന 38 പേർ കൂടി ഇന്നലെ രോഗം ഭേദമായി ആശുപത്രി വിട്ടു. ഇതോടെ ജില്ലയിലെ കൊവിഡ് ബാധിതരിൽ രോഗമുക്തി നേടിയവരുടെ എണ്ണം 1221 ആയി.