കാസർകോട്: ചെറിയ ഇടവേളക്കു ശേഷം ജില്ലയിൽ ആശങ്ക ഉയർത്തി വീണ്ടും കൊവിഡ് വ്യാപനം. ഇന്നലെ 146 പേർക്കാണ് രോഗം സ്ഥിരീകരിച്ചത്. ഉറവിടമറിയാത്ത ആറ് പേരുൾപ്പെടെ 121 പേർക്ക് സമ്പർക്കത്തിലൂടെയാണ് രോഗം സ്ഥിരീകരിച്ചത്. 17 പേർ വിദേശത്തു നിന്നും എട്ടു പേർ ഇതരസംസ്ഥാനത്തു നിന്നും എത്തിയവരാണ്. ആശുപത്രികളിൽ നിന്നും കൊവിഡ് കെയർ സെന്ററുകളിൽ നിന്നും 15 പേർ ഇന്നലെ രോഗമുക്തരായി.

കാഞ്ഞങ്ങാട് രണ്ട്, ബളാൽ രണ്ട്, കുറ്റിക്കോൽ ഒന്ന്, കള്ളാർ രണ്ട്, മംഗൽപാടി 11, നീലേശ്വരം എട്ട്, കിനാനൂർ കരിന്തളം മൂന്ന്, മഞ്ചേശ്വരം ആറ്, കാസർകോട് 28, ചെമ്മനാട് 14, മധുർ ഒന്ന്, മൊഗ്രാൽപുത്തൂർ രണ്ട്, കാറഡുക്ക ഒന്ന്, പള്ളിക്കര ഒമ്പത്, ഉദുമ എട്ട്, ചെറുവത്തൂർ ഒന്ന്, വെസ്റ്റ് എളേരി മൂന്ന്, അജാനൂർ ഏഴ്, കുംബഡാജെ ഒന്ന്, തൃക്കരിപ്പൂർ 16, മീഞ്ച ഒന്ന്, ചെങ്കള നാല്, പിലിക്കോട് രണ്ട്, വലിയപറമ്പ രണ്ട്, ആദൂർ ഒന്ന്, പൈവളിഗെ ഒന്ന്, പടന്ന രണ്ട്, കയ്യൂർ ചീമേനി ഒന്ന്, കോടോംബേളൂർ നാല്, പുല്ലൂർ പെരിയ ഒന്ന് എന്നിങ്ങനെയാണ് രോഗം സ്ഥിരീകരിച്ചവരുടെ തദ്ദേശസ്വയംഭരണ സ്ഥാപനം തിരിച്ചുള്ള കണക്ക്.

വീടുകളിൽ 3375 പേരും സ്ഥാപനങ്ങളിൽ 1326 പേരുമുൾപ്പെടെ ജില്ലയിൽ 4701 പേരാണ് നിലവിൽ നിരീക്ഷണത്തിലുള്ളത്.